Stars Align

2020年8月30號，蔡依林嘅經紀人王永良透露蔡依林將計劃發行全新嘅音樂作品^[3]。同年11月29號，蔡依林表示喺出年發行新單曲^[4]。同年12月22號，蔡依林表示：「新歌真的看運氣，我會開始做一些製作，但能不能在時間內完成，我自己也充滿了問號。^[5]」2021年1月19號，蔡依林嘅經紀人王永良透露蔡依林已經完成新單曲嘅錄製，仲表示：「新歌選很久」^[6]。

同年3月18號，R3hab宣布同蔡依林合作嘅新單曲喺同月21號發行^[7]，蔡依林表示：「這首歌無法用言語形容，很期待《Stars Align》跟大家見面，聽聽看粉絲們對這首歌曲的反應！^[8]」同月22號，蔡依林透露將計劃拍攝呢首歌嘅MV^[9]。同年4月22號，呢首歌由Alle Farben（英文：Alle Farben）重新混音嘅版本發行^[10]。同年5月20號，呢首歌由Faulhaber重新混音嘅版本發行^[11]，仲獲得2021年Hit FM年度百首單曲第10名^[12]。

《Stars Align》以電子舞曲做主軸，配搭R3hab擅長嘅電音節奏；呢首歌極具動感且層次分明，而蔡依林極具特色嘅咬字同獨特嘅聲線亦都同舞曲風格完美融合。

呢首歌係R3hab同蔡依林嘅頭一次合作，蔡依林表示：「剛收到Demo的當下就覺得很喜歡、很好聽，特別是這首歌的Hook非常吸引人、非常有趣。在聽到製作完的成品、歌曲的旋律和節奏後，我真的很想要跳舞了！」R3hab就表示佢始終不斷突破音樂嘅界線同埋探索唔同嘅音樂風格，而且同蔡依林嘅合作，更加激發出佢對音樂嘅創作同想像^[13]。

2021年4月5號，美國音樂行銷公司Proximity發佈呢首歌嘅歌詞版MV^[14]。同月23號，蔡依林發佈呢首歌嘅正式版MV，由陳奕仁執導。呢首MV講緊蔡依林喺一片奇幻嘅森林中驚醒，而且見到一個隱士，之後佢跟隨呢個隱士來到一座神秘嘅摩洛哥式建築，喺呢度佢經歷咗失眠、哭泣、唔食唔飲、封閉自己等症狀，喺經歷咗愛情呢場「大病」之後，佢個內心漸漸修復。呢首MV耗時拍咗兩日，蔡依林響MV度換咗八套服裝。

為咗呈現異國風情嘅氛圍，呢首MV響臺灣屏東縣嘅墾丁亞曼達會館取景拍攝，蔡依林表示：「前年我有到摩洛哥玩，一進來就覺得彷彿重新複習我的北非旅遊！摩洛哥的建築窗戶是對著中庭，且房間的色調鮮豔，還有特殊弧形加華麗配色的泳池，走在這裡有變富豪的感覺！^[15]」呢首MV亦喺臺灣屏東縣嘅港口白榕園取景拍攝，蔡依林表示：「因為這次拍攝才有機會來到這麼珍貴的地方，很感謝。^[16]」呢首MV中嘅舞蹈動作融合Vogue舞同地板動作，極具高難度^[17]。同年12月1號，呢首歌獲得YouTube臺灣2021年度熱門音樂影片排行榜第4名^[18]。

2021年12月11號，《Stars Align》獲得第3屆騰訊音樂娛樂盛典年度十大金曲^[19]。

數碼下載、串流媒體

1. 《Stars Align》－2:41

數碼下載、串流媒體－《Stars Align》（Alle Farben remix）

1. 《Stars Align》（Alle Farben remix）－2:54

數碼下載、串流媒體－《Stars Align》（Faulhaber remix）

1. 《Stars Align》（Faulhaber remix）－2:44

• YouTube上面嘅《Stars Align》（MV幕後花絮）