1999–2000年歐洲聯賽冠軍盃

1999–2000年歐洲聯賽冠軍盃係第8屆歐洲聯賽冠軍盃，亦係歐洲足協主辦嘅第45屆頂級球會賽事。

由呢屆賽事開始，首輪參賽隊伍由24隊加到32隊。第一輪分組賽32隊分8組打雙循環，每組頭兩名晉身第二輪分組賽，第三名降格踢歐洲足協盃第三圈。第二輪分組賽16隊分4組打雙循環，每組頭兩名晉級。八強同埋四強維持兩回合淘汰賽。

決賽喺法國巴黎法蘭西運動場踢，最後西班牙嘅皇家馬德里捧盃。