黎志強

黎志強（英文：Joseph Lai Chi Keong，1947年12月13號—），係香港資深泛民主派人士、香港公民黨員，東區區議會翡翠（1988-1994年係柴灣西）選區議員，由1988年做到2021年。佢亦做過香港市政局議員。

黎志強早年係民主黨創黨成員，之但係去到2008年嘅第4屆香港立法會選舉，因為佢唔滿意未獲民主黨安排參選，決定即時退黨，並且以獨立民主派身份參選，但係輸咗，後尾佢就加入咗公民黨。

2019年，泛民主派乘住市民反修例嘅民意，攞到區議會嘅大多數。黎志強就喺泛民主派嘅支持下，成為東區區議會主席，2021年7月8號，佢同黨友梁兆新、魏志豪一齊劈炮，結束區議員生涯。