黃麗玲

1999年，黃麗玲16歲時喺南投教921地震後嘅小朋友唱詩歌《Amazing Grace》畀佢前經紀人Jason發掘^[2]，但當佢想留聯絡號碼時，佢已經離開現場。4年後，喺A-Lin嘅駐唱酒吧「EZ5」2人再次碰面。喺2005年4月15號正式簽約，合約內容係10年9張音樂作品^[2]。

2006年2月10號，佢發行首張專輯《失戀無罪》，雖然當時佢重未滿23歲^[3]，但因佢優秀演唱能力獲得「天生歌姬」稱號^[2]。年中，喺張惠妹嘅主動邀約下，參與佢製作嘅《愛上卡門》音樂劇，飾演第2女主角，彩排半年後年尾喺台北小巨蛋演出2場^[4]。2007年5月，佢憑住首張專輯《失戀無罪》角逐金曲獎最佳新人獎，呢個係佢首次投入金曲獎嘅評選中，但最後佢並未獲得嗰個獎項^[2]。6月，Avex發行咗佢嘅首張EP專輯《愛 請問怎麼走》^[5]。

因為結婚生仔等原因，佢一直冇新專輯推出。直到2008年12月，Avex發行咗佢第2張專輯《天生歌姬》^[3]，佢亦憑住呢張專輯首次入圍台灣金曲獎最佳國語女歌手獎^[2]。

2009年12月28號，佢發行咗佢第3張個人專輯《以前 以後》^[5]。2010年12月24號，喺聖誕節前發行第4張個人專輯《寂寞不痛》^[3]。

2011年5月，佢憑住《寂寞不痛》專輯2度入圍第22屆金曲獎最佳國語女歌手獎^[5]。並受邀喺典禮上演出「最佳男歌手入圍者組曲」，改編演唱包含周杰倫、林俊傑、齊秦等5位歌手嘅歌曲。之後佢又喺同年底推出第5張全新專輯《我們會更好的》^[3]。

2012年5月，佢帶住新作品《我們會更好的》第3度角逐金曲獎歌后，但再度同國語女演唱人擦身而過，輸畀第3度封后嘅新加坡歌手蔡健雅^[5]。12月30號，發行第6張個人專輯《幸福了 然後呢》，呢張專輯喺華語專輯榜連續超過一年進入前20位^[6]。

2013年3月同6月，佢分別喺台北小巨蛋同香港紅磡體育館舉行咗2場巡迴演唱會，^[7][8]，呢個係佢自出道以來首次企喺台北小巨蛋開個唱（1.3萬名擁躉捧場，創下小巨蛋單場人數最多紀錄）。同年9月，因為Avex裁咗整個華語部，佢10月起不得不另覓東家^[9]。 截至11月，情況仍然冇進展，令佢被迫取消多場跨年同尾牙表演，但仍然出席非音樂類活動同代言。

2014年2月22號，佢喺台北小巨蛋第9屆KKBOX數位音樂風雲榜頒獎典禮攞到2014「年度十大風雲歌手」獎，佢連續4次攞到呢個獎項^[6]。5月15號，正式加盟台灣索尼音樂^[10]。6月28號，再獲邀喺第25屆金曲獎頒獎典禮獻唱江蕙嘅台語歌曲，並以搖滾嘅形式演出^[11]。12月30號，出第7張個人專輯《罪惡感》^[12]。

2014年12月，加盟湖南衛視《我是歌手》第三季，為首發歌手^[13]。喺第三季只得佢同兩位中國大陸大腕級歌手韓紅、孫楠三位首發歌手從未遭到淘汰，並順利晉級總決賽，由於孫楠喺總決賽第一輪競演結束後宣佈退出比賽，令原本遭到淘汰嘅A-Lin可以繼續競演^[14]，喺3月27號總決賽對決韓紅落敗，未能晉級為「終極歌王候選人」。雖然A-Lin最終攞唔到歌王寶座，但節目令佢受華人認識，喺兩岸三地人氣同擁躉人數大增，證明咗台灣樂壇天后嘅地位。2月9號，攞到第10屆KKBOX數位音樂風雲榜2015「年度十大風雲歌手」獎，連續5次獲得攞到呢個獎^[15]。3月16號，喺台北西門町嘅專輯簽唱會上宣布將舉辦名為《Sonar聲吶》嘅世界巡迴演唱會，呢個係佢首次以世界為範疇而舉行嘅巡迴演唱會^[16]，首站以台北出發。5月時，以《罪惡感》專輯第4度入圍金曲獎最佳國語女歌手獎，不過廣受外界睇好嘅黃麗玲再次同最佳國語女歌手獎擦身而過。8月29同30號，佢兩度企喺台北小巨蛋舉行2場《聲吶》世界巡演。截至2015年尾，佢一共舉行咗11場《聲吶》世界巡迴演唱會，巡演地點多達10個城市，包括台北、中國上海、深圳、北京、杭州、武漢、廣州、重慶、新加坡同馬來西亞。12月18號，參加咗湖南衛視第7集《全員加速中》^[17]。

2016年1月9號，久違5年再次企喺台視大型除夕特別節目《2016超級巨星紅白藝能大賞》演出。唔同嘅係喺首次僅有短短60秒嘅表演機會，呢次率領多達38人嘅管弦樂團一口氣連唱4首歌曲^[18]。1月24號，第11屆KKBOX數位音樂風雲榜頒獎典禮喺台北小巨蛋舉行，佢獲得2016「年度十大風雲歌手」獎項，連續6次獲得嗰個獎項^[19]。3月，A-Lin-2016《聲吶》世界巡演繼續啟動。3月12同13號，佢兩度企喺香港紅磡體育館舉辦《聲吶》世界巡演，並且創下個人喺香港首次因門票秒殺，連開2場大型演唱會嘅紀錄。3月19號唱返去高雄，呢個都係佢自出道以嚟首次企喺高雄巨蛋開個唱。同年8月，佢相隔唔到一年再度企喺台北小巨蛋，並且喺24個鐘入面完成兩場《聲吶》世界巡演（回聲限定場）^[20]。

2017年4月，參與江蘇衛視《金曲撈》節目錄製，並喺第2、7、9期擔任喚醒歌手，分別演唱《永遠有多遠》、《愛的可能》同《空窗》等幾首經典歌曲。同年6月4號，佢喺山東衛視《超強音浪》第二季第10期節目擔任嘉賓。

2017年9月，A-Lin推出同名專輯《A-Lin》，並以短髮造型現身，喺接受《女人迷》專訪時透露，短髮係為咗一位因為腦瘤要開刀嘅歌迷而剪，佢同嗰位歌迷見面就話：「因為你我剪了這個短髮，因為你，我要跟你一樣勇敢，去做自己。」^[21]

2019年初發行單曲《雨後彩虹》，鼓勵同志朋友走出公投陰霾，佢接受《VOGUE》專訪時表示：「彩虹給我的感覺是『自由』，我們一出生就是裸著身體，我覺得那是最美的樣子，就是一種自由的感覺。」^[22]。

2019年10月，《有一種悲傷》入圍第56屆金馬獎最佳原創電影歌曲^[23]。

2022年4月，A-Lin推出第9張個人專輯《LINK》，佢憑住呢隻碟入圍2022《亞洲流行音樂大獎》年度最佳專輯獎、年度歌曲獎（《摯友》）、最佳女歌手獎同最佳作曲人獎（《摯友》）等四個獎項，最終獲得最佳作曲人獎（《摯友》）。

2022年9月，客串巴大雄歌曲《可不可以放進去一下下就好》MV，單日喺YouTube衝破一百萬點閱率。

2023年5月，A-Lin以專輯《LINK》喺第34屆金曲獎入圍最佳華語女歌手獎，今次係佢第五度入圍呢個獎。喺同年7月1號嘅頒獎典禮，以評審一輪過半通過嘅票數成功奪下獎座^[24]，係佢歌唱生涯中嘅首座金曲獎。

2024年3月1號，《有一種悲傷》MV喺YouTube突破一億收睇次數，成為A-Lin首支點閱率破億嘅歌曲。

2014年12月，加盟湖南衛視《我是歌手》第三季、為首發歌手，由於孫楠喺總決賽第一輪競演結束後宣佈退出比賽，令原本遭到淘汰嘅黃麗玲可以繼續競演^[14]，喺3月27號總決賽對決韓紅落敗，未能晉級為「終極歌王候選人」。

• 2006年：愛上卡門

• 電影《奇人密碼－古羅布之謎》角色：卡蜜妲

• A-Lin 中文官方網站
• A-Lin愛貝克思官網
• A-Lin 920喺Facebook嘅專頁
• 天生歌姬A-Lin嘅新浪微博