黃霄雲

佢1998年12月22號喺貴州黔南羅甸龍坪鎮嘅一個音樂家庭出世。佢喺出世後6個月就已可以準確哼出播緊嘅音樂曲調嘅能力，並從兩歲開始學架子鼓^[1]，之後喺佢父母夾嘅樂隊「樂萬家」入面做鼓手^[2]；之後又學習彈鋼琴同古箏^[2]。喺之後嘅幾年時間內，佢每年都有參加當地嘅歌唱比賽，並攞到唔錯嘅成績^[1]。佢讀初三嗰陣，為咗考入中國音樂學院附屬中學，每逢禮拜六日就去貴陽學美聲唱法^[2]。

2011年，佢同屋企人一齊參加中國中央電視台《歡樂一家親》節目喺黔南州搞嘅選拔賽，攞到一等獎，並被貴州省婦女聯合會選送至央視參加選拔，同年6月被選拔參加節目同「千家萬戶的祝福——慶祝中國共產黨成立90周年」專題節目嘅錄影^[3]。2013年，佢參加貴州省第六屆「貴青杯」歌唱比賽，並攞到金獎^[4]。9月，佢以優異成績考入中國音樂學院附屬中學^[5]，學習美聲唱法^[2]。2016年，佢首次參加普通高等學校招生全國統一考試，但成績並唔理想^[6]。2017年，佢參加普通高等學校藝術類專業招生統一考試，報考中央音樂學院、中國傳媒大學等5間院校^[1]，並再參加高考，最終以術科排第三同文化課總分452分嘅成績被中央音樂學院收咗^[6][7]。

2015年，佢報名參加《中國好聲音》第四季，並通過試音；佢喺盲選階段唱蕭敬騰嘅《你》，攞到庾澄慶同汪峰轉身，並最終加入汪峰戰隊^[2]。之後，佢喺「導師考核」階段分別唱孫楠嘅《I Believe》同姚貝娜嘅《魚》，係汪峰戰隊首個4強（全國16強）學員，但佢嘅表現引發咗爭議^[8]。而喺「導師混戰」階段入面，佢唱艾瑞克·卡門（英文：Eric Carmen）嘅《All by Myself（英文：All by Myself (Eric Carmen song)）》，但由於業內人士同傳媒投票入面輸咗而被淘汰^[9]。期間，佢喺9月26號同嗰個戰隊其他4強學員一齊參演汪峰「峰暴來臨」超級巡回演唱會上海站^[10]。

2016年9月，佢同都係《中國好聲音4》學員嘅張博林出演網絡劇集《薛定諤的貓》，而佢飾演「艾曉欣」^[11]。12月29號，參演黔南州第十屆旅遊發展大會山水實景演出《靈水玉夢》^[12]，唱咗《冬之羅甸》^[13]。2017年2月14號，參與《法制晚報》直播訪談節目《紅me坊》^[14]。7月，出演網絡劇集《少年有點酷》，重飾演「艾曉欣」^[6]。12月14號同31號，佢出個人單曲《征戰》同《還可以愛嗎》^[7][15]。

2018年5月7號，佢出首隻個人原創單曲《打開》^[16]。同年，參加「唱響新時代，放歌新未來」2018多彩貴州歌唱活動，並喺嗰年8月29號喺黔南賽區決賽中攞到美聲歌唱組一等獎同通俗歌唱組二等獎^[17][18]；之後，佢喺全省比賽入面攞到美聲歌唱組優秀獎^[19]。而喺嗰年9月16號，佢唱嘅《故鄉》攞到2018年大連原創歌曲大賽三等獎^[20]。11月2號，攞到中央音樂學院2018年校園歌手大賽冠軍^[21]。12月3號，佢攞到「美麗延慶，精彩世園」——「百花爭延」首都高校大學生歌手大賽冠軍^[22]。同月，以「素人歌手」身份參加浙江衛視音樂節目《夢想的聲音》第三季，並攞到譚維維按「天使按鈕」^[3]。2019年5月4號，佢參加《2019年「五月的鮮花」全國大中學生文藝會演》喺央視綜合頻道播出^[23]。5月19號，同嚴藝丹、文兆傑等人做2018-2019年度北京大學十大歌手大賽嘅表演嘉賓^[24]。8月18號，同部分《中國好聲音》學員參與金華山鹿女湖國際音樂節嘅演出^[25]。9月20號，喺百度第一屆《音你成名》音樂短視頻大賽入面攞到季軍^[26]。

2020年1月，佢代表中央音樂學院參演浙江衛視音樂節目《新聲請指教》^[27]。

2020年1月，加盟湖南衛視《歌手·當打之年》，喺第一輪排位賽憑住《少年他的奇幻漂流》奇襲毛不易最終成功攞到正式補位資格^[28][29]、為首位補位歌手，喺第三輪遭到淘汰^[30]，之後喺突圍賽演唱《我們的愛》喺組內對決輸咗畀吉克雋逸直接遭到淘汰。

佢喺節目入面嘅演出都同謝庚沄以「蛋糕組合」名義進行^[37]

2020年1月，加盟湖南衛視《歌手·當打之年》，喺第一輪排位賽憑住《少年他的奇幻漂流》奇襲毛不易最終成功攞到正式補位資格、為首位補位歌手，喺第三輪遭到淘汰，之後喺突圍賽演唱《我們的愛》喺組內對決輸咗畀吉克雋逸直接遭到淘汰。

佢阿爸叫黃保權，阿媽叫羅茜，都喺羅甸縣做過音樂教師^[5][18]。而佢地夾嘅樂隊「樂萬家」係羅甸縣第一隻電聲樂隊，喺2002年3月成立，截至2015年喺羅甸、望謨、平塘同惠水等縣份演過成1000場^[3]。

喺《歌手·當打之年》第一期入面，佢喺毛不易出場後唱咗幾句歌詞就推桿發出「奇襲」請求，呢個行為被大量民眾話「不禮貌」。之後，有網民發現佢喺嗰集節目入面唱嘅五月天嘅《少年他的奇幻漂流》並未喺任何音樂平台上架，因為芒果TV並冇買版權^[39]。