骱（粵拼：gaai3/haai6），又叫做骹（粵拼：gaau3），亦有用借音字鉸，即係骨頭接骨頭，郁得嘅地方[1]。粵語好多時都跟書面話叫「關節」。
個骹字古時並冇而家關節嘅意思[2][3]，不過有香港嘅報紙用呢個骹字，好似「甩骹」[4][5]，加上個字用【交】傍，發音更方便。部份字典都接受呢個用法。
生物學嚟講，骨接骨嘅地方唔理佢郁唔郁得，都叫 "Joint"。
