香港中文大學理學院
香港中文大學理學院係香港中文大學八大學院之一，而家設有4個學系同2間學院，另設有一綜合實驗室專門大樓（逸夫科學大樓）。理學院總部設喺香港中文大學科學館，而中大嘅另一座理學院教學大樓係邵逸夫夫人樓（LSB）。
旗下學系
- 香港中文大學物理系（PHYS, Physics）
- 香港中文大學化學系（CHEM, Chemistry）
- 香港中文大學統計系（STAT, Statistics），另有開辦風險管理科學課程 同 同商學院合辦嘅計量金融學同風險管理科學跨學科課程
- 香港中文大學數學系（MATH, Mathematics），另有同工程學院開辦嘅數學同資訊工程學跨學科課程
- 香港中文大學生命科學學院（LSCI, Life Sciences），包括生物化學、生物、細胞同分子生物學、環境科學、食品同營養科學同分子生物技術學課程
- 香港中文大學自然科學課程（NSCI, Natural Sciences）
旗下研究中心
提供課程
本科生課程
所有教學部門都會開辦對應嘅主修課程，另外統計系同數學系分別同商學院同工程學院舉辦跨學院雙學位課程，以符合社會對各類人才嘅需求[1]。
理學院喺零九至一零年學年起推出生命科學學院統一招生計劃，學生選科更具彈性。新計劃畀學生喺確定主修課程前，有更多機會了解自己喺各個生命科學學科嘅興趣同能力，從而作出最正確嘅選擇。生命科學學院包括六個主修課程，分別為生物化學、生物學、細胞同分子生物學、環境科學、食品同營養科學同埋分子生物技術學。
碩士/博士課程
所有教學部門都提供對應嘅主修哲學碩士（MPhil）、哲學博士（PhD）或理碩士（MSc）課程。另外，修讀生命科學課程嘅本科畢業生可以報讀醫學院嘅生物醫學碩士/博士課程。