陳汝佳

1964年2月1號，陳汝佳喺廣東廣州出書。佢由細就鍾意唱歌，先後入咗廣州市荔灣區少年之家合唱團同埋廣州市少年宮合唱團。1982年，陳汝佳高中畢業，跟住當地嘅一間輕音樂團去歌舞廳演唱^[1]。一年後開始跑場，主要係唱香港流行曲^[2]。佢把聲同香港女歌手徐小鳳相似，所以被人嗌做「廣州徐小鳳」^[3]。

1987年，陳汝佳跟住鳳凰藝術團去咗歐洲去商演^[2]。同年，佢喺第一屆新園杯國語歌曲大獎賽中攞到金獎^[4]。1988年1月，參加首屆神州龍鳳歌匯大賽，攞到「最受歡迎歌星」獎^[5]。5月14號，攞到第三屆全國青年歌手電視大獎賽業餘組通俗唱法一等獎^[6]。6月，參與「大地之聲音樂會」演出^[7]。12月3號，參加「新時期10年金曲、1988年金星評選」開幕式^[8]。同年出咗首張個人專輯《風靡88——陳汝佳的歌》^[2]，出演電視連續劇《情魔》^[9]。1989年2月，陳汝佳上咗《1989年中國中央電視台春節聯歡晚會》，唱咗代表作《故園之戀》^[2]。4月10號，佢喺全國流行歌曲優秀歌手選拔賽度被頒「優秀歌手」證書^[10]。12月，佢搞咗「陳汝佳89」個人演唱會^[11]。1990年，加盟「上海新空氣演唱會」^[12]。同年8月，佢同張咪、火風等歌手參加「pu——1」90 明星演唱會^[13]。11月，佢被評做「全國影視十佳歌手」^[14]。1993年，陳汝佳暫時退出歌壇，去咗澳洲學聲樂同樂理^[1]。四年後，佢喺好友嘅鼓勵下回國復出^[2][15]。

2000年1月，陳汝佳參加CCTV《同一首歌》「相聚2000大型歌會」^[16][17]。5月，佢做咗宋祖英「好日子大型文藝晚會」特邀嘉賓^[5]，先後參加湖南衛視綜藝節目《快樂大本營》同埋《同一首歌》「二十世紀廣東經典原創金曲演唱會」^[4][18]。6月，佢喺「許建強《晚秋》作品演唱會」同楊鈺瑩、陳明同台^[5]。佢同陳妃平一齊唱歌《愛本無罪》喺嗰年第四季度被廣泛關注^[19]。2001年1月，陳汝佳攞到廣東廣播新歌榜「全場最佳演繹歌手獎」、「最佳網上男歌手」等四個獎^[20][21]。9月，參加《同一首歌》「走進常州大型演唱會」^[22]。2002年，參與《同一首歌》廣州番禺同北京大興場演出^[23][24]。同年7月，佢同欣祺一齊唱歌《愛的路上有你》入選音樂先鋒榜季選金曲^[25]。12月，佢喺「廣東原創音樂百名歌手演唱會」壓軸登場^[26]。2003年1月，參加「音樂先鋒榜2002年度頒獎典禮暨粵港音樂先鋒演唱會」^[27]。5月12號，為抗擊沙士疫情錄製公益歌《心心相連》^[28]。

2004年1月12號，陳汝佳因心肌梗塞喺屋企過世，終年39歲^[29][30]。而根據佢屋企人透露，嗰日咁啱係香港女歌手梅艷芳出殯，而佢係梅艷芳嘅擁躉所以情緒激動，講完一句唔清嘅嘢就暈咗。雖然醫生去咗現場搶救，但都救唔返^[30]。

陳汝佳過世後，華語音樂傳媒大獎同廣東流行音樂學會喺2005年4月29號一齊搞咗「陳汝佳紀念專輯首發式暨歌壇生涯紀念演唱會」，出咗《陳汝佳紀念珍藏專輯》，並請咗魏雪漫、李達成等廣東樂壇歌手上台唱佢嘅作品^[31][32]。另外，華語音樂傳媒大獎仲追頒陳汝佳「廣東樂壇特別貢獻榮譽大獎」獎^[33]。2006年3月10號，陳汝佳嘅第二張紀念專輯《記。念。陳汝佳》發行^[34]。

• 陳汝佳 - 蝦米音樂 Wayback Machine嘅版面存檔備份