車公誕，減筆寫做車公𧩙或者車公旦，係慶祝車公，即係車大元帥嘅寶誕。寶誕響正月初二[1]。另外又有車大元帥誕[2]，減筆寫做車大元帥𧩙、車大元帥旦，響三月廿七[1]。另外，農曆六月初六同八月十六，亦有人慶祝車公誕。
雖然車公誕響正月初二，但因為正月初三啲人忌赤口，唔去拜年，所以改為拜車公。所以沙田車公廟到初三會特別旺[3][4]。