豬流感
豬流感（Swine influenza）係豬嘅正黏病毒（Orthomyxoviruses）地方變種引起嘅流行性感冒。引起豬型感冒嘅病毒叫做豬流感病毒（SIV）。
類型
分離出嚟嘅SIV病毒株唔係C型流行性感冒病毒就係A型流行性感冒病毒嘅某啲基因變種株[1]。A型流行性感冒病毒嘅變種，好似H1N1、H1N2、H3N1同埋H3N2都會導致豬型感冒病毒感染[2][3]。除咗呢啲變種之外，近排亦都發現H2N3引起嘅豬型感冒[4]。
傳染性
差唔多每一年都有好多人感染豬流感，嗰啲患豬流感嘅人好多都有同豬接觸或者同有豬型感冒嘅人。豬傳人之外，人傳人嘅情況發生都有[5]。豬流感同禽流感呢挺只係會禽傳禽禽傳人嘅流行性感冒唔同，佢唔單止畜傳人，仲會人傳人。而且同禽流感一樣，人得咗豬型感冒，嚴重嘅話會死人。
歷史
1918年西班牙、1976年美國、2007年菲律賓、2009年美國同墨西哥都出現過豬流感。
2009年
2009年3月同4月，墨西哥同美國西南部成千人患咗豬流感，死咗成60幾人[6]。截止2009年4月24日，墨西哥經已有4000幾疑似病患，死咗廿幾人，墨西哥城大派口罩，多過派米，大排長龍[7]。