蟲媒花係指一種開花植物嘅花用昆蟲做傳粉媒介（蟲媒傳粉；entomophily / insect pollination）。蟲媒花通常嘅做法係分泌花蜜，靠噉嚟吸引蜜蜂同蝴蝶等嘅昆蟲走入花嗰度採蜜，當有隻蟲做呢樣嘢嗰陣，花粉會黐上佢身，然後等隻蟲飛去第朵同種嘅花採蜜嗰陣，花粉就有機會掂到另外嗰朵花嘅雌蕊，做受粉（fertilization）產生孕育下一代嘅種子，令個植物物種能夠繁衍後代[1]。
一隻蜜蜂喺度採花蜜，佢身上黐滿咗花粉。