葉傲冬

葉傲冬，JP（英文：Ip Ngo Tung Chris^[1]；1980年 7月23號—^[2]），係香港政治人物，葉國忠個仔（葉國謙侄仔，葉亦楠堂細佬），民建聯副秘書長，油尖旺區議會前任主席同前任佐敦南選區區議員，西九文化區管理局董事局成員^[3]。

佢喺油蔴地天主教小學^[4]（1992年小六）、何文田官立中學（1998年中五）同余振強紀念中學（2000年中七）畢業，之後入咗萊比錫大學、香港浸會大學同香港中文大學修讀德文、歐洲研究（主要研究德國）同文化管理。

喺2020年1月，葉傲冬返去文匯報做助理總編輯^[5]。

選舉經歷

因為劉志榮喺2008年5月15號病逝，葉傲冬喺同年10月5號嘅佐敦東選區補選中勝出。2011年香港區議會選舉，成功連任。2015年香港區議會選舉因選區重新劃界，當選做佐敦南區議員。2016年，葉傲冬接替鍾港武自動當選做油尖旺區議會主席。^[6]2019年，佢輸咗俾泛民主派素人陳梓維，冧莊失敗。

喺2021年9月，佢成為香港特别行政區選舉委員會委員(港九分區委員會、地區撲滅罪行委員會及地區防火委員會委員代表)^[7]。

2022年，佢喺李家超無提政綱嘅情況下，有份提名李家超參與2022年香港行政長官選舉^[8]。

2023年12月，葉傲冬再度參選區議會選舉，喺選舉委員會委員可以互相提名都唔當係利害衝突嘅選舉制度下，終於成為油尖旺南區議員。^[9]