莎羅馬（馬來話：Saloma，1935年1月22號—1983年4月25號）係馬來西亞馬來族女歌手同演員。佢亦係已故巨星比·南利嘅第三任老婆，有「亞洲瑪麗蓮夢露」嘅美譽[1]。喺1950年代到1980年代備受歡迎[2][3][4]。1978年，佢畀馬來西亞政府封為第一位「Biduanita Negara」（國家級歌手）[5]。
1983年4月25號，莎羅馬因由黃疸而引發嘅肝衰竭過身，終年48歲，安葬喺安邦路穆斯林公墓[6]。以佢名字命名嘅莎羅馬行人天橋喺2020年2月5號開放[7]。同年11月26號，佢登上Google塗鴉[8][9]。
