范中芬

離婚之前，創作歌曲授權嘅事都係由佢前夫王治平負責。直到佢離婚後，呢啲事宜佢就自己處理返，之後佢覺得自己好多歌手同音樂平台都未合法使用佢創作嘅歌曲。

其中，佢就曾經控訴張惠妹喺2019年9月喺南京一次演唱入面，唱咗《愛什麼稀罕》，之前無向佢攞授權，公開演出涉侵權^[2]。

幾經交涉後，佢控告台灣多間音樂、版權公司侵權，但去到2022年，台北地檢署調查發現就發現王治平同呢啲公司訂立契約，呢啲公司喺授權時間本來就可以合法使用，而合法使用嘅範圍亦包括呢啲音樂平台。就算音樂公司之後唔再授權畀呢啲音樂平台，但之前嘅授權效力仍然存在。有關版權費用，音樂公司也都有結算畀范中芬，所以呢啲公司並唔算侵犯范中芬嘅權利^[1]。