聖柏德歷節(愛爾蘭蓋爾文:Lá Fhéile Pádraig)係紀念基督教愛爾蘭主保聖人聖柏德歷(愛爾蘭蓋爾文:Naomh Pádraig)嘅節日,係每年嘅3月17號——相傳當日係聖柏德歷嘅忌日。
聖柏德歷節係愛爾蘭共和國實際上嘅國慶節[1],同時又係北愛爾蘭嘅法定假日[2]。另外,雖然聖柏德歷節最初係愛爾蘭人嘅宗教節日,但係由於愛爾蘭人大流散將慶祝活動帶到好多地方,如今已經演變成全球最多國家有人慶祝嘅國慶節[3]。