第6屆烏克蘭國會選舉

第6屆烏克蘭國會選舉喺2007年9月30號舉行。

2007年4月2號，總統尤先科諗住解決烏克蘭政治危機而宣佈解散議會重新大選。

喺選舉入面橙色革命、季莫申科陣營同我們的烏克蘭以好少嘅票數贏咗死對頭地區黨。

制度

四百五十席由至少攞到3％選票嘅政黨跟最大餘額法嚟分配議席。

喺第5屆烏克蘭國會選舉入面地區黨贏出，而地區黨不嬲都唔妥尤先科，所以從此行政同議會就不停咁鬥落去。

2007年初，地區黨、烏克蘭共產黨等政黨組成咗聯盟，攞到議會三分之二嘅多數席位，諗住改憲法畀議會擁有推翻總統嘅權力。

2007年4月2號尤先科落命令要求烏克蘭議會解散重選。

總統解散議會嘅權力喺憲法法院被人質疑，同時憲法法院亦話唔排除總統落嘅命令可能違返憲法。

而選舉本來定喺2007年5月27號搞，但係喺2007年5月27號，總統尤先科同總理亞努科維奇跟烏克蘭議長莫羅茲阿列克簽咗協定，安排選舉喺2007年9月30號先搞。