癌症研究(粵拼:ngaam4 zing3 jin4 gau3;英文:cancer research)顧名思義係指對癌症嘅研究,包括剖析癌症嘅成因,仲有係協助防治、診斷同醫癌症。
舉個簡單例子:想像家吓有位癌症研究者想研究某隻肝癌;佢想知解答「有邊啲因素會影響病人生存到幾耐?」呢條問題,於是佢就去搵咗大拃醫療數據(input)返嚟,啲數據描述咗 500 位有嗰隻肝癌嘅病人,包括每位病人生存咗幾耐,以及嗰位病人嘅各種因素(簡單嘅有性別同年紀)呀噉;跟住佢可以將啲數據畫做圖,當中
得出下圖噉嘅圖。
最基本嗰隻生還分析做嘅,就係(用電腦)計大拃數,務求搵出[1][2]
兩者之間有乜關係(output),例如指定嘅因素係「受咗邊隻療法」-想像將病人分「接受咗療法 A 嘅病人」同「接受咗療法 B 嘅病人」兩組,同兩組各自噉畫條線,研究者可以靠住生還分析計嘅數比較兩條線(詳情可以睇下面 log-rank 測試),得知「接受咗療法 A 嘅病人,會唔會生存得耐過接受咗療法 B 嗰啲?」噉嘅資訊。呢啲研究會幫到醫療工作者思考點樣更有效噉照料同醫啲病人。