男性生殖系統即係指得男人有嘅生殖器官同組織,主要用嚟為人類繁殖;啲器官可以按位置分內外兩類。
男性嘅外生殖器官有「脧」同埋「膥袋」,學名分別叫「陰莖」同埋「陰囊」。男人條脧仲用嚟屙尿,所以亦屬於泌尿系統嘅一部份。
喺粵語當中,有子孫根[1]同祠堂[2]等嘅比喻用詞。
男人嘅內生殖器官主要係膥子(學名:睾丸)、附睾、輸精管、精索、射精管,以及精囊、前列腺同高柏氏腺三個男性附屬腺體(英文:Male accessory gland)。