熊
熊又叫熊
 | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||
| 物種分類 | ||||||||||||||||||||||||
|
野生
熊好粗生，喺歐亞、兩美同北極都有，喺好多生態系統當中都係凶猛嘅捕食者。
食用
漢文化視熊掌為佳餚。中國大陸同台灣都有人捉野熊煮來食，即使噉樣做犯法。熊掌係奢侈大餐滿漢全席山八珍之一。[1][2][3]
人養
藥用
中國醫籍話熊膽汁係勁揪藥材，令到渠價錢好貴，現代有商人用殘忍方法採集，盡量攞多啲。「活熊取膽汁」喺大陸大行其道，有大把亞洲黑熊被農夫長期殘忍虐待，年年月月攞條喉㧻穿生勾勾嘅熊嘅皮肉內臟，直入膽囊吸膽汁，又唔會畀渠埋口。福建歸真堂做呢行賺到大錢，兼喺中共官府支持下上市，引來好多非議。中共政府大力推薦，話可能醫到武漢肺炎嘅痰熱清注射液，當中就用到用以上方法攞主要原料造成嘅熊膽粉。呢行被多國動物保護組織大力譴責，話好唔人道，整到啲熊好痛好惨，又污染環境。大陸養熊農場之中，非法同合法嘅都有，後者對熊會稍為無咁衰，亦都有全官方同官民合辦嘅救熊組織，渠哋收咗大把俾商人䞾騭到殘廢嘅熊，發現渠哋好多生癌同有神經病。[4][5][6]
睇用
好多動物園同馬戲團都有養熊，唔少馴獸時會虐畜，喺大陸有大把例子。熊偶然會發茅，傷或者殺人，特别係喺馴獸師做得差嘅地方。[7][8][9]