武田信玄

佢係甲斐國出世，幼名太郎，當佢進行元服後，改名為晴信，不過佢嘅阿爸信虎唔重視佢，佢比較睇實信玄的細路武田信繁，激發佢對父親嘅不滿。終於喺1541年佢終於同家老板垣信方同埋甘利虎泰推翻阿爸，信虎被迫出走到駿河國嘅今川家，佢要係嗰度過啲隱居嘅生活。據講嘅理由係佢實行暴政，受唔到人民歡迎。

喺將信虎趕出甲州後，後玄開始調整佢嘅軍事計劃，佢率先利用高遠賴繼，迫佢叛變，然後聯手將諏訪氏消滅，其後將附近嘅小勢力相繼消滅，不過喺面對猛將村上義清下，曾令信玄輸過兩次，令信玄損失不少大將，好在真田幸隆決意幫信玄之下，利用計仔奪得砥石城，取得優勢。終於1553年迫到義清放棄葛尾城，以後要靠長尾景虎嘅力量反抗信玄。

自從村上義清向長尾景虎（後來嘅上杉謙信）要求幫手，根據甲陽軍鑑記載，長尾（上杉）同武田軍在川中島交過五次手，當中以第四次川中島之戰最為出名，兩軍總大將喺呢場戰爭見過面，而且仲短兵相接，但自從上杉軍喺第五次川中島之戰後，由於要應付內亂，所以冇再入侵武田的領地。

信玄改攻上野國嘅箕輪城，之後守將長野業正曾六次打低信玄嘅軍隊。不過1561年業正死咗，由佢個仔長野業盛繼承，1566年終於攻陷箕輪城。其後信玄因應今川氏真嘅支援，到達駿府城，但係因為德川同北條聯軍軍力龐大，最終令信玄撤退。冇耐，武田、今川同北條三國之間同盟瓦解，令到信玄有理由進攻駿府，先搞掂今川氏真後，再同時對北條進攻，軍隊曾經一度包圍小田原城，不過信玄取消包圍，喺三増峠大勝北條軍，不過佢察覺德川家康有意東征，喺攻略北條唔成後，加上喺北條氏康死後，決意與北條同盟，決定向西進攻，佢嘅目的係上洛，加上佢同足利義昭等勢力形成咗信長包圍網，而且義昭不斷催促下，決定派遣大量兵馬出征，1572年12月，喺三方原大敗德川軍，史稱三方原之戰，但係佢喺第二年因為病發嘅關係，軍部向西返回，最終佢喺信濃國伊那郡國館途中病死，死因係肺癆。死後由勝賴繼承家督。

• 「其疾如風　其徐如林　侵掠如火　不動如山」一般稱為風林火山，佢係最能代表武田軍嘅象徵，當信玄讀咗孫子兵法後，決定以這一句作為代表。
• 家中設有甲州法度之次第，以使統治領地。
• 內政能力非常高，積極開發金山，就算信玄領土喺內容，都嘗試同南蠻貿易，引入南蠻技術。

• 武田四天王：板垣信方、甘利虎泰、飯富虎昌、小山田昌辰

• 武田四名臣：馬場信房、内藤昌豐、高坂昌信、山縣昌景

• 武田二十四將：飯富虎昌、横田高松、板垣信方、土屋昌次、甘利虎泰、小幡虎盛、山縣昌景、秋山信友、穴山信君、真田幸隆、馬場信房、原昌胤、武田信繁、武田信廉、小幡昌盛、一條信龍、真田信綱、多田滿賴、小山田信茂、内藤昌豐、三枝守友、高坂昌信、原虎胤、山本勘助。（有唔同講法）

• 正室：上杉朝興之女、三條夫人
• 側室：諏訪御料人、油川夫人、禰津夫人

• 大仔：武田義信
• 二男：海野信親
• 三男：西保信之
• 大女：黃梅院--北條氏政
• 二女：見性院
• 三女：武田真理
• 四男：武田勝賴
• 五男：仁科盛信
• 四女：桃由童女
• 六男：葛山信貞
• 五女：武田菊姬
• 六女：武田松姬
• 七男：安田信清

• 甲陽軍鑑

維基同享有多媒體嘅嘢：
Takeda_Shingen

• 電影影武者
• 小說版武田信玄（新田次郎著）
• 大河劇武田信玄