武漢肺炎瑞士疫情

身為「中立國」同「國際總部聚集地」嘅瑞士，喺2020年2月25號出現第一單武漢肺炎個案，患者係講意大利文口音，喺鐵千諾州近意大利邊境住嘅70歲老坑，前一段時間去過意大利倫巴第大區米蘭^[1][2]。兩日後又再確診兩單，嗰劉兩單分別係位28歲嘅IT藍領^[3]同埋55歲喺國際公司做嘢嘅老世^[4]，佢哋又喺意大利倫巴第大區米蘭返到日內瓦時被確診^[4][3]。隨後又喺格留邊登州出現兩位意大利籍嘅細路感染武漢肺炎案例^[5][6][7]；跟住喺阿爾膠州、蘇黎世、禾州都出現第一單感染武漢肺炎個案^[5]，班友都曾經喺到訪過意大利同法國^[5][8]。跟住嗰48個鐘內先後喺巴塞爾市區同鄉下都收到感染個案^[9][4]。受到疫情影響，原計劃3月8號喺格留邊登州恩格丁舉辦嘅越野滑雪賽^{[註 1]}宣佈取消^[7]；28號，瑞士聯邦法院發佈規定，唔畀舉辦超過1000人嘅聚集活動^[10][11]；連日內瓦汽車展同巴塞爾世界手錶寶石騷、巴塞爾嘉年華在內嘅冚唪唥類展覽同活動都一一取消^[12][13]，連伯恩大學都從線下教學改成線上教學^[14]。到2月29號深夜爲止，全國先至得18單感染，未出過單死亡個案。

踏入3月初，感染個案開始出現上升趨勢。單純到5號嗰日，感染個案破咗一百大關，重出第一單武漢肺炎死亡個案^[15]。國內第一位武漢肺炎死者係位禾州洛桑籍嘅74歲亞婆，喺3號突發武漢肺炎^[15]。3月6號因感染個案上升到198單，聯邦政府宣佈改變策略嚟關注兼保護易受病毒入侵嘅個人範圍^[16]；兩日後出現第二單武漢肺炎死亡個案。直到3月10號深夜，感染個案上升到380單，死亡個案加到3單。喺3月中旬，個案重係繼續直線上升趨勢。單純喺13號，感染個案破咗一千大關，聯邦政府宣佈冚唪唥嘅學校都要停課同閂埋陸地邊境關卡^[17][18][19]；連禾州政府都宣佈冚唪唥嘅聚集活動最多限制喺50人以內^[20][21]；正因爲噉，原先定喺今年喺中國北京，後嚟受疫情影響而搬到瑞士禾州洛桑舉辦嘅世界體育大會都要宣佈取消，成爲世界體育大會有史以嚟第一次因為疫情而取消嘅盛會。死亡總個案喺3月14號達到兩位數；感染個案喺15、18同20號接連打破二千、三千同四千大關。喺16號當日重宣佈閂嗮國內冚唪唥商場同酒吧等等人員聚集嘅娛樂活動場所^[22]；18號當日政府重停止向第三國公民發放申根簽證同瑞士簽證，甚至嚴格限制冚唪唥非申根國家公民嘅入境行為^[23]；重喺19號宣佈停止一切公共娛樂活動兼閂嗮除士多、郵政同藥房外等同供應生活必需品無關嘅舖頭^[24]。政府重出420億瑞士法郎嚟救下國家經濟^[25]。20號當日，雖然國內政府冇宣佈封國，但係有宣佈禁止超過5人嘅聚會同集會^[26]。

由於瑞士當地冇乜生產製造業，加上佢係內陸國，好多產品需要進口。疫情爆發後，由於有部份發達國家封咗往返瑞士啲空路，所以淨得陸路通達。正因爲噉，好多醫用設備同救援物資先後俾德國同意大利扣押同禁止入境瑞士。令國內對疫情防護簡直成身蟻。

呢單疫情重波及到國際總部。同年3月15號挨晚（UTC+1），瑞士足協主席——多明尼克·白朗喺荷蘭阿姆斯特丹開完歐足聯大會，返到瑞士蘇黎世後即刻成爲武漢肺炎患者^[27]。

由於感染個案數越嚟越多，去到同月24號，感染個案上升到8836單，死亡個案亦升到86單。兩日後，死亡個案打破埋一百大關，感染個案打破一萬大關。國內最大電話營運商——瑞士電信，喺25號當日爲咗追到邊啲患者感染武漢肺炎數而開始收集國內啲公用電話同手提電話嘅冧巴數據^[28].。

到同年3月30號爲止，確診個案去到15526單，死亡個案去到333單。瑞士聯邦行動指揮部部長連納多茲都話家下國內有128位軍佬感染咗武漢肺炎。

2020年4月1號，確診個案去到17139單，死亡個案去到378單。兩日後，由於確診個案去到19303單，死亡個案上升到295單。原先計劃嘅今年6月7～14號舉辦嘅環瑞士單車賽都俾組委會宣佈取消^[29]。清明當日，感染案例重打破咗二萬大關，雖然死亡個案極速上升到540單，但係好返出院嘅人多咗好多。

瑞士之所以會出現超高感染武漢肺炎嘅機會，係因為佢本身係內陸國，隔籬係意法德奧四國。加上國內爆發疫情之前，呢三個國家之間啲人通過陸路要必須經過瑞士。瑞士國內人均收入水平比較高^{[註 2]}，周邊有好多國家啲人過嚟瑞士打工，尤其喺接近邊境嘅鐵千諾州、禾州、日內瓦啲城區，有好多跨國公司響度，冇乜瑞士本地人喺度打工。加上一閂咗邊境，將會切斷嗮國內經濟；而且國內有好高嘅疾病檢測機制。

註

攷