歌手2024

《歌手2024》設立全新嘅揭榜同襲榜賽制，整體上回歸《歌手2018》，賽制係三場一輪，每場都有500位現場大眾聽審同500位線上大眾聽審投票，每位聽審揀3位自己認為嗰場表現最好嘅歌手，但細微之處有啲唔同。

頭兩場競演，由7位首發歌手競演。其間，頭兩位揭榜歌手將喺第二場競演加入到比賽入面，揭榜歌手可隨便對一位首發歌手發起一對一揭榜挑戰，1000位大眾聽審進行即時投票，投票結果決定揭榜歌手係唔係揭榜成功。如果揭榜成功，就累計第一、二場嘅成績淘汰得票率最低嘅首發歌手；相反揭榜失敗，無緣接下來嘅競演；若兩位歌手同時揭榜成功，就累計第一、二場嘅成績淘汰得票率最低嘅兩位首發歌手^[2]。

喺之後嘅第三場競演，將由第一位襲榜歌手同在線嘅七位歌手競演，在線歌手陣營將通過自行推選產生一位歌手對襲榜歌手發起一對一挑戰（如果出現幾位歌手平票選擇權就交由場外觀眾投票決定），1000位大眾聽審進行即時投票，投票結果決定襲榜歌手係唔係挑戰成功。如果襲榜歌手獲勝，就淘汰嗰場競演排名包尾嘅歌手；相反在線歌手喺嗰輪全部安全，淘汰順延到第四場競演^[3]。而喺之後嘅第四場競演，首位補位歌手將加入到在線歌手陣容，之後嘅賽制將依照第二、三、四場嘅競演流程循環。

《歌手2024》共有七位首發歌手、六位揭榜歌手、三位襲榜歌手同兩位補位歌手。之後因Charlie Puth嘅退賽，節目組喺正常賽制以外增加五位衝榜歌手，襲榜歌手數量由三位縮減到兩位。

喺選歌上，呢季要求每位參賽歌手喺總決賽之前只可以喺首場競演演唱自己嘅代表作。由第二輪開始，仲新增選曲範圍抽籤環節，在線歌手將透過抽籤決定「大眾金曲」同「自由選曲」兩種選曲範圍。

喺Charlie Puth第六期參賽前因遭到中國大陸網民抵制而退賽後，節目組暫時中斷正常賽制，並喺第六、七場競演新增兩場衝榜賽。衝榜賽按照揭榜賽賽制進行，每場都有兩位衝榜歌手加入比賽，唔同嘅地方係喺衝榜歌手剩係可以對第二輪（第四場同第五場）綜合得票率排名前四嘅歌手發起衝榜挑戰。而之後嘅第八場競演（終極張榜賽）除正常嘅在線歌手排位競演外亦有一位衝榜歌手加入比賽，衝榜歌手喺嗰場競演可以對第七場（第三輪衝榜賽）排名前四嘅歌手發起衝榜挑戰。

為增強直播嗰陣嘅觀眾參與感，呢季喺幾個環節設立場外觀眾投票助力通道。第一輪揭榜賽設立場外觀眾預約通道，預約通道由揭榜賽直播當日中午12點開啟，到競演完後關閉。觀眾可透過芒果TV預約揭榜歌手嘅演唱曲目，每位觀眾只有一票預約權，當單個揭榜歌手嘅預約值達到50萬嗰陣就可以即刻上台演唱，揭榜歌手嘅出場順序由預約值到達時間決定。如果揭榜歌手喺直播開始前達到預約值，揭榜歌手就係首位揭榜者出場（如果幾位揭榜歌手都喺直播開始前達到預約值，就按到達先後順序決定出場順序）；如果揭榜歌手喺直播期間達到預約值，就喺到達時段時競演歌手之後出場；如果揭榜歌手喺直播完後仲未達到預約值，揭榜歌手就無法上台演唱，揭榜失敗。由第二輪起，其中一個守榜歌手名額由場外觀眾喺張榜賽直播期間投票產生，而同佢對應嘅揭榜歌手名額就由場外觀眾喺揭榜賽直播開始前投票產生。另外，呢季選曲亦設立場外觀眾投票通道，喺第二同三場競演選曲攞到微博用戶期待值第一名嘅歌手可以喺抽籤之後重新揀出場順序，被揀定序號對應原出場歌手將同嗰位歌手自動換位。

	歌手	播出日期（2024年）																平均排名
		5月10號	5月17號		5月24號	5月31號	6月7號		6月14號	6月21號	6月28號	7月5號		7月12號	7月19號	7月26號
		第一輪				第二輪				第三輪					突圍賽	總決賽
		張榜賽	揭榜賽	總排名	襲榜賽	張榜賽	揭榜賽	總排名	衝榜賽	衝榜賽	張榜賽	揭榜賽	總排名	襲榜賽		第一輪	第二輪
1	Chanté Moore	1	3	2	3	1	4	2	3	1	4	8	6					3.11
2	Faouzia Ouihya	2	1	1	1	3	3	3	2	2	2	1	2					1.89
3	那　英	3	2	3	4	5	2	4	4	7	3	5	3					3.89
4	S3 孫　楠	—	—	—	—	2	1	1	1	4	5	4	4					2.83
5	S3 譚維維	—	—	—	—	—	—	—	—	—	1	2	1					1.5
6	汪蘇瀧	4	5	4	6	4	6	6	6	5	6	6	7					5.33
7	黃　宣	—	—	—	2	6	5	5	5	3	8	3	5					4.57
8	許　鈞	—	—	—	—	—	—	—	—	—	—	—	—					—
9	Lenka Kripac	—	—	—	—	—	—	—	—	—	—	—	—		—	—	—	—
10	S5 S8 袁婭維	—	—	—	—	—	—	—	—	6	7	7	8	—				6.67
11	C-BLOCK	—	—	—	—	—	—	—	—	—	—	—	—	—				—
12	露西婭	—	—	—	—	—	—	—	—	—	—	—	—	—				—
13	S8 黃霄雲	—	—	—	—	—	—	—	—	—	—	—	—	—				—
14	張　遠	—	—	—	—	—	—	—	—	—	—	—	—	—				—
15	張鈺琪	—	—	—	—	—	—	—	7	—	—	—	—	—				7
16	S1 尚雯婕	—	—	—	—	—	—	—	—	—	—	—	—	—				—
17	杭蓋樂隊	—	—	—	5	7	7	7	—	—	—	—	—	—				6.33
18	Fine樂團	—	—	—	—	—	—	—	—	—	—	—	—	—				—
19	海來阿木	7	4	5	7	—	—	—	—	—	—	—	—	—				6
20	Adam Lambert	—	—	—	✓	—	—	—	—	—	—	—	—	—	—	—	—	—
21	二手玫瑰	5	7	6	—	—	—	—	—	—	—	—	—	—				6
22	楊丞琳	6	6	7	—	—	—	—	—	—	—	—	—	—				6
23	Charlie Puth	—	—	—	—	—	—	—	—	—	—	—	—	—	—	—	—	—

注：

A. 平均排名只計算每期官方公佈嘅正式名次，唔計算總排名

B. 第二輪第三場競演按原賽制係襲榜賽。但由於Charlie Puth因遭到中國大陸網民抵制而退賽，所以節目組將第三場競演改做衝榜賽。

呢期係歌手2024首場競演、為第一輪張榜賽。第一期，喺北京時間2024年5月10號夜晚8點現場直播。

呢期係歌手2024第二場競演、為第一輪揭榜賽。第二期，喺北京時間2024年5月17號夜晚8點現場直播。呢場由杭蓋樂隊對Chanté Moore、黃宣對汪蘇瀧發起揭榜挑戰，最終都揭榜成功。

第一輪，因兩位揭榜歌手揭榜成功，所以楊丞琳同二手玫瑰遭到淘汰。

呢期係歌手2024第三場競演、為第一輪襲榜賽。第三期，喺北京時間2024年5月24號夜晚8點現場直播。呢場由Adam Lambert向那英發起襲榜挑戰，最終襲榜成功，海來阿木遭到淘汰。

呢期係歌手2024第四場競演、為第二輪張榜賽。第四期，喺北京時間2024年5月31號夜晚8點現場直播。第二輪，來自《我是歌手》第三季嘅孫楠加入比賽、為首位補位歌手。呢期競演汪蘇瀧、Faouzia Ouihya嘅選曲範圍為自由選曲，其他在線歌手嘅選曲範圍為大眾金曲。

呢期係歌手2024第五場競演、為第二輪揭榜賽。第五期，喺北京時間2024年6月7號夜晚8點現場直播。呢場由張鈺琪對黃宣、Fine樂團對孫楠發起揭榜挑戰，最終張鈺琪揭榜成功，Fine樂團揭榜失敗。呢期競演那英、黃宣嘅選曲範圍為自由選曲，其他在線歌手嘅選曲範圍為大眾金曲，上期攞到第一名嘅Chanté Moore可以喺呢期競演自己揀出場順序。

第二輪，因一位揭榜歌手揭榜成功，所以杭蓋樂隊遭到淘汰。

呢期係歌手2024第六場競演、為第二輪衝榜賽。第六期，喺北京時間2024年6月14號夜晚8點現場直播。呢場競演原本係第二輪襲榜賽，之後Charlie Puth因遭到中國大陸網民抵制而退賽，節目組將呢場競演改做衝榜賽。衝榜賽按照揭榜賽賽制進行，唔同嘅地方係喺衝榜歌手剩係可以對綜合呢輪得票率排名前四嘅歌手發起衝榜挑戰。呢場由尚雯婕對Faouzia Ouihya、袁婭維對Chanté Moore發起衝榜挑戰，最終尚雯婕衝榜失敗，袁婭維衝榜成功，張鈺琪遭到淘汰。呢期競演孫楠、張鈺琪嘅選曲範圍為自由選曲，其他在線歌手嘅選曲範圍為大眾金曲。

呢期係歌手2024第七場競演、為第三輪衝榜賽。第七期，喺北京時間2024年6月21號夜晚8點現場直播。呢場由張遠對孫楠、黃霄雲對Faouzia Ouihya發起衝榜挑戰，最終都衝榜失敗。呢期競演那英、Faouzia Ouihya嘅選曲範圍為自由選曲，其他在線歌手嘅選曲範圍為大眾金曲。

呢期係歌手2024第八場競演、為第三輪張榜賽（終極張榜賽）。第八期，喺北京時間2024年6月28號夜晚8點現場直播。第三輪，來自《我是歌手》第三季嘅譚維維加入比賽、為終極補位歌手。終極張榜賽結合張榜賽同衝榜賽賽制進行，唔同嘅地方係喺衝榜歌手數量由兩位縮減到一位。呢場由露西婭對孫楠發起衝榜挑戰，最終衝榜失敗。呢期競演Chanté Moore、那英嘅選曲範圍為自由選曲，其他在線歌手嘅選曲範圍為大眾金曲，其中Faouzia Ouihya原本抽中自由選曲，之後因提前確定呢期選曲而自願同Chanté Moore交換。

呢期係歌手2024第九場競演、為第三輪揭榜賽（終極揭榜賽）。第九期，喺北京時間2024年7月5號夜晚8點現場直播。呢場由C-BLOCK對Faouzia Ouihya、許鈞對袁婭維發起揭榜挑戰，最終C-BLOCK揭榜失敗，許鈞揭榜成功。呢期競演孫楠、譚維維嘅選曲範圍為自由選曲，其他在線歌手嘅選曲範圍為大眾金曲，其中Chanté Moore原本抽中自由選曲，之後同譚維維交換。

第三輪，因一位揭榜歌手揭榜成功，所以袁婭維遭到淘汰。

2023年，湖南衛視、芒果TV宣佈時隔三年將復辦呢個節目^[4]。

呢季節目嘅大眾聽審報名通道喺北京時間2024年4月15號中午12點正式開啟。除咗保留往季嘅500位國內現場聽審外，呢季仲新增咗500位海外線上聽審^[5]。

2024年4月29號，節目組喺微博發起「歌手2024請揭榜」自薦報名通道，嗰個通道開放畀全球華語歌手。截至嗰晚，已經有陳翔、吳莫愁、蘇妙玲、曾一鳴、金潤吉、段林希、譚傑希、汪小敏、李俊毅、張力尹、王靖雯、魯懷德、胡靈等13位歌手成功參與報名^[6]。4月30號，湖南衛視總編室對外公佈頻道五一特殊編排，假日期間湖南衛視將連續五日喺下晝5點播出有《我是歌手》同《歌手》合共8季節目金曲精編合輯嘅《歌手青春歌會》^[7]。

2024年5月9號，節目組喺長沙召開首場新聞發佈會，公佈咗呢季首發歌手陣容同首位揭榜歌手，同埋呢季全新推出嘅三大全民玩法^[1]。除咗已啟動嘅「全民揭榜」活動外，呢季仲新增咗「全民預測」同「全民導播」兩大全民玩法，觀眾可以喺收睇直播期間透過「全民預測」互動預測競演結果^[8]，並可透過「雲導播·多屏同看」玩法自主切換直播機位^[9]。

那英喺第二期表演《掙脫》嗰陣，現場鼓手疑似耳機出現故障，之後打錯節奏，繼而導致樂隊其他成員同埋那英喺表演嗰陣有啲慌亂甚至唔記得歌詞。對此，那英嘅製作人劉卓回應話「別問了，多個團隊合作的事情，很複雜，謝謝」^[10]。

《歌手2024》第一期播出後，喺中文網絡媒體同平台上有相當高嘅討論熱度同評論，例如有那英同楊丞琳等華語歌手喺直播比賽入面太過緊張上咗微博熱搜^[11]。樂評人丁太升喺對節目畀高度肯定之餘，仲直接話「那英和海外歌手有差距」。仲有好多網民同觀眾討論華語樂壇有邊啲實力唱將可以幫助那英戰勝強勁嘅海外歌手^[12][13]。首期節目播出後有好多華語歌手喺微博主動提出上節目，例如有李佳薇、韓紅、羅琦等^[14][15]，其後《歌手》節目組透過官方微博回應呢個節目有嚴謹嘅賽程體系、將根據歌手檔期進行後續邀請、「贏，只是歌手的一段路。迎，才是音樂的目的地」^[16]。

2024年5月6號，節目組喺微博公佈首發音樂合夥人陣容，網民根據呢樣推定出完整首發歌手陣容。其中抖音歌手海來阿木同埋「音綜常客」汪蘇瀧嘅加入令唔少網民失望，而二手玫瑰嘅加入都令網民諷刺話「澳大利亞的玫瑰（指朴彩英）成了二手貨」，甚至有網民講笑咁話「乾脆直接宣佈那英為歌王」^[17][18][19]。而《歌手2024》總導演洪嘯認為唔同歌手代表唔同音樂愛好者嘅人群圈層，節目組需順應聽眾口味嘅變化^[8]。針對網民嘅吐槽，總導演洪嘯喺發佈會上回應話「直播這條道路的選擇，導致歌手的選擇範圍變窄」，並表示喺邀約過程入面有唔少歌手因直播而婉拒^[20][21]。

• 湖南衛視歌手嘅新浪微博（大陸簡體）
• 《歌手2024》芒果TV官方頻道（流動版）