橋本大輝（日文：橋本 大輝／はしもと だいき Hashimoto Daiki，2001年8月7號—）係日本男子競技體操運動員，千葉縣成田市出身，2019年開始代表日本出賽。
橋本大輝喺2019年重讀緊高中嗰時，喺世界競技體操錦標賽同隊友贏到團體銅牌。
橋本大輝喺呢次運動會入面，代表日本同隊友奪得男子團體銀牌[1]，以及喺男子個人全能賽攞到金牌[2]。不過，佢喺男子個人全能過程中贏咗中國嘅肖若騰，引嚟中國網民質疑裁判嘅評分標準，有網民甚至翻牆去到橋本大輝嘅社交網站侮辱佢，結果引起日本網民不滿，同時亦令橋本大輝得到香港同台灣兩地媒體嘅留意[3][4]。