業,印度思想概念,指人一切所思所行,所作所為。個概念好早就有,見於吠陀時,遍於印度種種宗教,如印度教、耆那教、佛教、錫克教,隨佛教傳來中土,道教都有業嘅說法,及至日本,神道教都有。業嘅解釋,唔同宗教各有說法。有啲生出善惡嘅講法,所謂善有善報,惡有惡報,即善惡果報。行善得善果,得好報,來世生得好。行惡得惡果,得惡報,來世生得壞。有啲業包埋行事用意,用意好壞都計入去。佛教視業為因,亦為果,會生生不斷。
此結無盡,以示業
蓮亦成日拎來講業,皆因蓮開花時亦含種子,種表果而花表因。另蓮出污泥而不染,以提醒人生於劣境,成長都不損好業,好業不受污染。業,取自梵文कर्मन्,音karman,而一般常見karma,即梵文कर्म,文法中另一變化,故有音譯羯磨同羯摩。
睇埋