東風路 (廣州市區)
東風路（粵拼：dung1 fung1 lou6）係中國廣州市嘅大馬路，東西行車，日日有成三十萬部車行過。[1]東住中山一立交，西到西場立交，全長8823米，闊40——44米，雙向總共有8——10條車道，兩邊都設有公交專用道。全路分東、中、西三段，中山一立交至越秀北路叫東風東路，越秀北路至解放北路叫東風中路，剩低嘅叫東風西路，總共連住28條路，有8條立交橋同多條人行天橋同隧道，全日禁止單車、噸半以上貨車開入。
| |||||||||||||||||||||
| |||||||||||||||||||||
歷史
東風路係3條馬路。舊時由西往東分別係德坭路、德宣路、黃埔大道。1968年文化大革命期間，條路由西往東俾政府改名東風一路至東風五路（東風壓倒西風噉解）。[2]
1975年開始拓闊東風路，降低部分東風東路嘅斜度。1992年開始再次改造東風路，先後喺農林下路、越秀北路、盤福路等路口起立交橋，絕大部分路段取消紅綠燈，路中間架設護欄禁止車輛左轉同掉頭，以保證直行車流暢順。
1980年代左右，起咗兩條行人天橋跨東風中路接駁陵園西路同建設新村，一座接駁福音路，全採用緩衝鋪裝水泥路面，整體橋型包括兩個橋躉，接近高架路模式設計。舊時經常有走鬼喺天橋沿路擺賣。東風路單車線俾機動車佔用後，2012年以來大約每年發生一次行車撞擊橋躉嘅意外。2017年政府以此阻礙交通為由，統一清拆，改起鋼化加直𨋢嘅天橋，建設村僅復建一座。[未記出處或冇根據]
東風西路
原名德坭路，因為條路由德宣西路尾開始，經牛皮寮同田洞，橫過鐵路，到泥城為止。[3]1937年鋪好，全長3100米，闊30至40米，東邊一橛泥路俾人叫做「爛馬路」。[4]1964年起好德坭立交跨越廣茂鐵路。1968年改名做東風一路、東風二路，1981年再改名做東風西路。
東風中路
清朝嗰陣由西往東分別係德宣街、天平街、二牌樓、天官里（明朝教育家湛若水喺道辦過書院）。1920年擴建做馬路，叫做德宣路，長1488米，闊28米[3]。1954年起越秀北路到先烈路段，1959年起小北路到越秀北路段，1960年起到去梅東路[未記出處或冇根據]。1968年改名做東風路，1981年再改名做東風中路。
東風東路
先烈路到石牌段1933年開始起。民國27年（1938年）之前叫廣虎路，即係廣州至虎門必經之路。後來改名造幣左路。民國34年（1945年）後改名叫黃埔大道（唔係依家嘅黃埔大道）。1968年改名東風五路，1981年再改名做東風東路。
附近嘅建築
經過嘅道路
由西至東排列，粗體字係主幹道
公共交通
廣州地鐵：