我是歌手 (第二季)

第二季嘅賽制除突圍賽、半決賽、總決賽外，其他沿襲第一季。復活賽變突圍賽因為根據第一季賽果，出現唔公平嘅情況，所以喺第二季有所調整。突圍賽邀請喺節目入面遭到淘汰同補位歌手再競演，爭奪半決賽同總決賽第一輪嘅參賽資格，爭奪名額視乎有幾多位首發歌手進入半決賽同總決賽第一輪。競演分做五輪、每輪分兩場，包括突圍賽、半決賽同總決賽，共13期。每輪有7位歌手競演，每場都有500位觀眾聽審投票，每位聽審揀3位自己認為嗰場表現最好嘅歌手。排位賽冇淘汰，淘汰賽將淘汰一位歌手。兩場競演累計得票率最低嘅歌手將被淘汰出7人陣容，由新加入嘅一位歌手替補。

另一方面，呢季將會有更多嘅返場表演（喺歌手遭到淘汰後嘅下一場），畀遭到淘汰嘅歌手有更多機會放低比賽嘅包袱喺舞台表演。喺選歌上，除首埸競演、總決賽可以演唱自己嘅代表作，之後競演需演唱人地嘅作品。

《我是歌手第二季》共有七位首發歌手同五位補位歌手。

根據第二期入面導演洪濤所講，呢季原來嘅「復活賽」將改做「突圍賽」。喺突圍賽入面，遭到淘汰嘅歌手同補位歌手同時競演，爭奪半決賽同總決賽第一輪嘅資格。因為根據第一季賽果，排第三嘅楊宗緯只競演兩期比賽，就直接喺復活賽復活直接進入半決賽同總決賽，而第五名嘅彭佳慧更只需競演一輪就直接進入半決賽同總決賽，所以喺第二季賽制有所調整。

根據第二期入面導演洪濤對曹格嘅糾正說法，呢季將會有更多嘅返場表演（喺歌手遭到淘汰後嘅下一場），畀被替換或淘汰歌手有更多機會放低比賽嘅包袱喺舞台表演。

	歌手	播出日期 （2014年）																				平均排名
		1月3號	1月10號		1月17號	1月24號		1月31號	2月7號		2月21號	2月28號		3月7號	3月14號		3月21號	3月28號	4月4號
		第一輪			第二輪			第三輪			第四輪			第五輪			突圍賽	半決賽	總決賽
		排位賽	淘汰賽	總排名	排位賽	淘汰賽	總排名	排位賽	淘汰賽	總排名	排位賽	淘汰賽	總排名	排位賽	淘汰賽	總排名			第一輪	第二輪	總排名
1	韓　磊	1	4	3	4	3	5	6	2	4	1	2	2	1	5	2	—	1	1	1	1	2.46
2	鄧紫棋	5	2	2	1	1	1	2	1	1	4	5	4	2	1	1	—	2	2	2	2	2.31
3	茜　拉	—	—	—	—	—	—	—	—	—	2	4	3	3	3	3	1	6	3	—	—	3.14
4	曹　格	4	7	7	—	—	—	—	—	—	—	—	—	—	—	—	3	4	4	—	—	4.4
5	張　杰	—	—	—	3	6	4	3	3	3	3	1	1	4	4	4	2	3	5	—	—	3.36
6	周筆暢	7	3	5	5	2	2	5	5	5	7	3	5	5	2	5	—	5	—	—	—	4.45
7	張　宇	6	5	6	6	4	6	4	6	6	5	6	6	7	6	6	—	7	—	—	—	5.64
8	動力火車	—	—	—	—	—	—	—	—	—	—	—	—	6	7	7	4	—	—	—	—	5.67
9	滿文軍	—	—	—	—	—	—	—	—	—	6	7	7	—	—	—	5	—	—	—	—	6
10	韋　唯	2	1	1	7	7	7	—	—	—	—	—	—	—	—	—	6	—	—	—	—	4.6
11	品　冠	—	—	—	—	—	—	7	7	7	—	—	—	—	—	—	7	—	—	—	—	7
12	羅　琦	3	6	4	2	5	3	1	4	2	—	—	—	—	—	—	—	—	—	—	—	3.5

註：

A. 平均排名只計算每期官方公佈嘅正式名次，唔計算總排名

呢期係我是歌手第二季首場競演、為第一輪排位賽。第一期，喺北京時間2013年12月19號錄製，2014年1月3號夜晚8點喺湖南衛視首播。

呢期係我是歌手第二季第二場競演、為第一輪淘汰賽。第二期，喺北京時間2013年12月26號錄製，2014年1月10號夜晚8點喺湖南衛視播出。呢期，韋唯演唱時音響出現故障，令韋唯要重唱。

第一輪，曹格遭到淘汰。

呢期係我是歌手第二季第三場競演、為第二輪排位賽。第三期，喺北京時間2014年1月9號錄製，2014年1月17號夜晚8點喺湖南衛視播出。第二輪，張杰加入比賽、為首位補位歌手。

呢期係我是歌手第二季第四場競演、為第二輪淘汰賽。第四期，喺北京時間2014年1月15號錄製，2014年1月24號夜晚8點喺湖南衛視播出。呢期，張宇出場順序原本係1號，鄧紫棋出場順序原本係3號，後來鄧紫棋同張宇交換出場順序。羅琦原本要求同韋唯交換出場順序，但韋唯拒絕。

第二輪，韋唯遭到淘汰。

呢期係我是歌手第二季第五場競演、為第三輪排位賽。第五期，喺北京時間2014年1月16號錄製，2014年1月31號夜晚8點喺湖南衛視播出。第三輪，品冠加入比賽、為第二位補位歌手。

呢期係我是歌手第二季第六場競演、為第三輪淘汰賽。第六期，喺北京時間2014年1月24號錄製，2014年2月7號夜晚8點喺湖南衛視播出。呢期，張杰同品冠曾私下調換過演唱順序，鄧紫棋喺競演過程中耳機突然冇音樂而要重唱。羅琦喺開唱之前發表咗一段感言，認為自己由於懷孕七個月，預產期越嚟越近，自己嘅身體狀況無法令自己攞出最好嘅狀態參與節目，宣佈下期開始退賽（即第四輪開始），但佢話之後會再返嚟^[3]，所以下一期競演（即下一輪）會有兩位歌手替補。

第三輪，品冠遭到淘汰。

呢期係我是歌手第二季第七場競演、為第四輪排位賽。第七期，喺北京時間2014年2月13號錄製，因元宵節嘅緣故，喺兩星期後2014年2月21號夜晚8點喺湖南衛視播出。第四輪，因之前羅琦嘅退賽同品冠嘅淘汰，有兩位歌手加入比賽分別係滿文軍同茜拉、為第三位補位歌手。呢期，周筆暢喺競演中唔記得帶耳機。

呢期係我是歌手第二季第八場競演、為第四輪淘汰賽。第八期，喺北京時間2014年2月20號錄製，2014年2月28號夜晚8點喺湖南衛視播出。呢期，周筆暢出場順序原本係4號、茜拉出場順序原本係7號、滿文軍出場順序原本係2號、張宇出場順序原本係6號，後來周筆暢同茜拉交換出場順序、滿文軍同張宇交換出場順序。

第四輪，滿文軍遭到淘汰。

呢期係我是歌手第二季第九場競演、為第五輪排位賽。第九期，喺北京時間2014年2月27號錄製，2014年3月7號夜晚8點喺湖南衛視播出。第五輪，動力火車加入比賽、為終極補位歌手。呢期，鄧紫棋出場順序原本係2號、張宇出場順序原本係5號，後來鄧紫棋同張宇交換出場順序。

呢期係我是歌手第二季第十場競演、為第五輪淘汰賽。第十期，喺北京時間2014年3月6號錄製，2014年3月14號夜晚8點喺湖南衛視播出。

第五輪，動力火車遭到淘汰。

呢期係我是歌手第二季第十一場競演，為淘汰歌手同補位歌手嘅突圍賽。第十一期，喺北京時間2014年3月13號錄製，2014年3月21號夜晚8點喺湖南衛視播出。經過五輪競演後，鄧紫棋、韓磊、周筆暢、張宇晉級半決賽；曹格、韋唯、品冠、動力火車、張杰、茜拉進入突圍賽，爭奪三個突圍名額。最終，茜拉、張杰、曹格突圍成功。

呢期係我是歌手第二季第十二場競演、為半決賽。第十二期，喺北京時間2014年3月20號錄製，2014年3月28號夜晚8點喺湖南衛視播出。半決賽佔總成績嘅30%。

呢期係我是歌手第二季第十三場競演、為總決賽。第十三期，喺北京時間2014年4月4號夜晚7點30分現場直播。

總決賽：分做兩輪。第一輪係「幫幫唱」環節，由歌手邀請幫唱嘉賓合演，將綜合半決賽嘅得票率，淘汰最低得票率嘅兩位歌手。第二輪就係獨唱，喺剩低嘅五位歌手入面累計半決賽、總決賽第一輪同第二輪得票率產生呢季歌王。總決賽第一輪佔總成績嘅30%，第二輪就佔總成績嘅40%。

總決賽第一輪係「幫幫唱」環節，由歌手邀請幫唱嘉賓合演，將綜合半決賽嘅得票率，淘汰最低得票率嘅兩位歌手。第一輪佔總成績嘅30%。呢輪競演歌手出場順序係，根據半決賽嘅排名，排名越前嘅將可獲得優先選擇權。總決賽第一輪，張宇同周筆暢遭到淘汰。

總決賽第二輪就係獨唱，喺剩低嘅五位歌手入面累計半決賽、總決賽第一輪同第二輪得票率產生呢季歌王。第二輪佔總成績嘅40%。呢輪競演歌手出場順序係，根據第一輪嘅排名倒序產生。

總成績得出前，主持人公佈「終極歌王候選人」為鄧紫棋同韓磊，最後韓磊以28.31%嘅得票率優勢擊敗鄧紫棋嘅24.95%得票率，攞《我是歌手第二季》歌王。

我是歌手第二季總決賽結束後，製作單位決定加演一場「雙年巔峰會」，由呢季嘅前五強歌手同第一季嘅羽泉、林志炫、楊宗緯、彭佳慧同尚雯婕共十位歌手，以競演為「外殼」、以高品質演唱會為「內核」，進行一場大型演唱會，比賽唔設排名。呢期係我是歌手第二季第十四場競演、為「雙年巔峰會」。第十四期，喺北京時間2014年4月11號夜晚10點現場直播。

2013年11月5號喺長沙舉辦嘅冠名同廣告客戶招商會入面，請咗第一季嘅參賽歌手黃綺珊同尚雯婕做新一季嘅記者會站台，節目冠名招標起步價為1億出頭，招標過後由立白集團以2.35億人民幣攞咗冠名權，再次成為冠名贊助商。除咗冠名廣告，仲有插播廣告、特殊窗口廣告同助廣告，總共標得廣告價格9億8千萬人民幣，加上其他並未參與招標嘅廠商，於節目播出之際臨時增加嘅廣告費用，總金額超過10億，比第1季招商總額增加2億，網友統計整季節目總營收保守估計近11億^[4][5]。

喺第二季，亦響應第一季嘅成功，湖南衛視更開播《我的紀錄片之我的歌手》^[6]，由孫璞主持，紀錄我是歌手第二季幕前幕後花絮，同更多參賽者同埋製作人嘅訪問。

喺第一季，因為中港台三地好多綜藝節目係以預錄形式呈現，所以比賽嘅結果或劇情可能會被錄影時嘅現場觀眾洩漏，令觀眾觀看意欲減低。

喺第二季，凡係參加現場錄製嘅觀眾都唔准影相，公佈結果嘅現場更係封密，保安更係無比森嚴，連贊助商都套不到內幕消息。連參賽歌手都參與「放煙霧彈」行動。^[7]。內地網友成功透露羅琦喺第4輪起退賽嘅消息^[8]，香港網友亦成功透露鄧紫棋喺第3輪（第5、6期）嘅歌單，令「劇透」問題再次出現。結果，喺第五期節目片尾嘅「下期預告」入面，總導演宣佈嗰期係「雙淘汰」，同「羅琦退出我是歌手第二季」確實有關聯。但喺第六場前，網友透露韓磊會選唱蔡依林嘅《看我七十二變》，但因為同韓磊嘅風格格格不入，喺張宇透露前已撇除可能性，但佢亦保證：如果韓磊真係揀嗰首歌，張宇會唱佢嘅《舞孃》（雖然韓磊冇選唱《看我七十二變》，但張宇喺總決賽第一輪以《舞孃》成為組曲之一）。

喺節目播出前，作為該節目嘅官方網站，金鷹網曾經以新聞嘅方式透露出各種各樣嘅節目內容，準確度極高，呢種類似「監守自盜」嘅行為亦引發唔少網友質疑。

為咗更有力防止結果提早外洩，周筆暢喺第二期，即第一輪結果出爐前嗰個星期，喺出席自己潮牌店開業活動接受記者採訪時，有意暗示自己「遭到淘汰」嘅消息，但當正式結果係曹格遭到淘汰，除咗令觀眾驚訝之外，亦達到結果出乎意料嘅效果，但以呢種方法「犧牲」兩位歌手，引起雙方支持者彈劾^[9]。第二次「煙霧彈」行動係喺第七期。即使假嘅補位歌手名單包括林憶蓮、田馥甄、楊乃文、動力火車、陶喆等人，鄧紫棋已成功透出補位歌手係邊個，所以本身亦係歌手嘅吉傑亦加入煙霧彈行動，佢成功掩護茜拉，成為佢嘅「經紀人」兼翻譯，而在場歌手亦演繹咗楊乃文、陶喆同埋動力火車嘅作品。而動力火車將成為第五輪嘅補位歌手。

韋唯喺第二期現場表演《在水一方》時突然中斷，根據洪濤嘅講法，係程式出錯，但韋唯喺播放後解釋，係樂隊嘅音響設備突然斷電，而奪冠以為係得到現場觀眾嘅同情。另外，有網友直稱韋唯忘詞同埋走音，韋唯解釋現場觀眾有例證係節目剪接後嘅效果，但原影片因為保密問題而冇外洩^[10]。加上佢以渾厚嘅女中音挑戰經典老歌《在水一方》，更造成觀眾評價嚴重兩極分化^[11]。但喺第3期，韋唯因為揀錯歌，選唱梅艷芳嘅柔美曲目《女人花》，同佢充滿力量嘅聲線格格不入，排名由第一名暴跌至第七名，令第二輪比賽過關機會蒙上陰影。

韋唯喺第4期演唱啲仔為自己選唱嘅《太陽最紅，毛主席最親》，引起年輕人同社會人士反彈^[12]，除咗歌詞帶有民族同埋政治色彩，韋唯處理高音部分嘅穩定度亦較低。喺突圍賽賽前表明唔可以喺賽前賽後同現場觀眾傾偈，以免妨礙投票公正，但韋唯公然犯規，被曹格質疑應該會被剪，但韋唯打圓場時，就想讓觀眾投票畀其他歌手，被網友批評佢多此一舉。

第六期時，事件重演：鄧紫棋演唱仲未到三分之一，鄧紫棋話佢嘅耳機內少咗一條音軌，現場音樂被迫暫停。總導演洪濤喺節目中話，事後確認，呢次事故嘅主因係程式冇進入鄧紫棋嘅耳機內（同時對比播出嘅2次演唱，亦可發現第1次確實少咗電子鼓嘅節奏）。結果鄧紫棋得到第一（因為佢上一輪以全勝過關，加上呢輪嘅第一場攞第二，所以冇影響賽果），但亦因此同王喬（羅琦喺節目入面嘅經紀人）發生誤會，因為佢認為該做法「唔成熟」，被鄧紫棋支持者彈劾。後來鄧紫棋喺官方發出聲明，同埋張傑確認以後對王喬道歉^[13][14]。

喺第七期，相反問題出現。周筆暢演唱嗰時唔記得自己冇帶耳機，但以東歐風格改編陶喆《黑色柳丁》，反而乏人問津，第二次排第七名。

喺第二季歌王誕生後，製作單位決定加演一場，為「雙年巔峰會」，由兩季嘅前五強歌手，以競演為「外殼」、以高品質演唱會為「內核」，進行一場大型演唱會，比賽不設排名。喺4月11號夜晚10點現場直播^[15]。

鄧紫棋篤信基督教，所以喺訪問期間不時提到主，但呢種話題喺內地較敏感，有指鄧紫棋嘅訪問最後疑似被電視台刪改。鄧紫棋回應話佢冇，亦唔想將宗教強加於人，而被間接嘅部分，只係指（音樂同）舞臺^[16]。

喺第一季，楊宗緯由於只競演一輪就遭到淘汰，外界分析係由於佢選唱嘅歌曲偏向安靜、抒情嘅類型，例如王菲嘅《矜持》，決賽時選唱嘅《最愛》等，引唔起現場觀眾共鳴同欣賞，反觀其他選手選唱嘅飆高音、氣氛更活躍嘅歌曲，往往得到較高票數。網友認為現場觀眾更容易俾識炒熱氣氛嘅歌手嘅影響，因而更傾向投畀唱呢一類型歌曲嘅歌手^[17][18]。

喺第二季，呢個情況更加嚴重。張宇嘅曲風偏向安靜，編曲比較簡約。雖然張宇入到總決賽，但因曲風問題而無法喺現場票選排名前三名，而羅琦嘅第二名，亦有網友推測：如果後半部歌曲《Knockin' On Heaven's Door》冇變得比較磅礴，可能連第五名都冇^[19]。而周筆暢嘅《哭了》雖然能夠感動現場觀眾，但因為沒有飆高音嘅特色，所以只排第五名，同網站票選結果大相逕庭。連第二位補位歌手品冠亦因為聲音屬於溫柔細膩型，喺第五期包尾，只競演一輪便遭到淘汰。對此有媒體戲稱該節目係「我是歌吼」，諸如品冠咁溫暖唔造做作嘅歌手，呢個節目歡迎，但觀眾排斥噉樣嘅歌手^[20]。

節目進行到第七期同第八期，班歌手嘅歌曲有相當一部分偏向安靜風格，以此打消對網友戲稱係「我是歌吼」嘅質疑。但係，滿文軍嘅歌曲風格重蹈先前品冠嘅覆轍，喺節目入面「中招」，遭到淘汰。相反，一啲選取知名度較高歌曲嘅歌手或者好吃香，但亦有例外——比如第九期終極補位歌手動力火車選擇咗觀眾熟知嘅《當》，但正係因為隻歌知名度太高，加上觀眾對新歌手好難迅速接受，因此排名唔理想。喺第十期，動力火車選唱蘇芮嘅代表作《酒矸倘賣無》，即使版本根據迪克牛仔改編，同樣因為知名度太高，而排包尾。

第二季節目喺2014年1月3號起逢星期五夜晚8點喺湖南衛視播出。新媒體平台方面，呢季節目由樂視網攞咗^[21]，樂視網喺湖南衛視電視直播嘅同時，網絡都同步播送，同時專門為節目設置一個臨時嘅點評環節，喺廣告時段娛樂記者會針對歌手嘅演出做自己嘅點評。

呢季節目入面出現嘅所有歌曲由QQ音樂獨家發行。

臺灣嘅播映權由八大電視購得，喺3月29號開始逢星期日喺八大綜合台同八大戲劇台播出；節目由永信藥品冠名贊助，改名做《永信藥品我是歌手2》^[22]。根據羽泉嘅講法，第二季會喺第一季結束後連播^[23]。

香港嘅now芒果台喺1月3號起同湖南衛視同日播出，從2月21號開始改做夜晚8點同湖南衛視同步播出。無綫電視高清翡翠台喺2月23號開始播出第1集。

國家／地區	頻道	首播日期	首播時間	備註
中國大陸	湖南衛視	2014年1月3號	逢星期五 夜晚8點－夜晚10點
臺灣	八大綜合台	2014年3月29號	夜晚7點－夜晚9點
	八大戲劇台		夜晚9點－午夜11點
香港	now芒果台	2014年1月3號	逢星期五 夜晚10點－午夜12點	從2月21號起改做夜晚8點（同湖南衛視同步播出）
	無綫電視高清翡翠台	2014年2月23號	逢星期日 下晝1點15分－下晝3點15分	喺myTV提供節目重溫（集數上傳一個禮拜後會刪除）

• 我是歌手官方微博嘅新浪微博（大陸簡體）
• 我是歌手2官方網站（大陸簡體）

中國大陸 湖南衛視 逢星期五20:10－22:00[a] 2月14號 暫停播映
上個節目	我是歌手（第二季） （2014年1月3號－2014年4月11號）	下個節目
天天向上 （2008年9月5號－2013年12月27號[b]） 爸爸去哪兒（第一季） （2013年10月11號－2013年12月27號）		天天向上 （2014年4月11號－2016年4月22號） 花兒與少年 （2014年4月25號－2014年6月13號[c]）
我是歌手系列節目變遷
我是歌手（第一季） （2013年1月18號－2013年4月12號）	我是歌手（第二季） （2014年1月3號－2014年4月11號）	我是歌手（第三季） （2015年1月2號－2015年4月3號）

中國大陸電視上星綜合頻道音樂競唱類節目牌照變遷
上個節目	我是歌手（第二季）（湖南） （2014年1月3號－2014年4月11號）	下個節目
新政策		最美和聲（第二季）（北京） （2014年4月19號－2014年7月12號）

香港 高清翡翠台 星期日 13:15－15:15 2月23號 13:15－15:30 5月18號 13:15－16:30 5月25號 13:15－15:30
上個節目	我是歌手（第二季） （2014年2月23號－2014年5月25號）	下個節目
DANCING 9 （2013年11月17號－2014年2月16號）		逢星期六、日 中國好聲音（第二季） （2014年5月31號－2014年7月19號）

^ A. 湖南衛視逢星期五嘅季播綜藝節目，如《快樂男聲》同埋《爸爸去哪兒》，一般係22:00檔播出，原星期五20:00檔嘅綜藝節目係《天天向上》。因《我是歌手》 第一季播出後喺兩岸三地引起巨大反響，湖南衛視決定2014年第1季度將星期五嘅晚間季播節目臨時調整做20:00點檔，即逢星期五20:10播出。《我是歌手》第二季結束後將恢覆原有編排，20:00係《我是歌手》第二季嘅前導片。
^ B. 《天天向上》從2014年起重播緊，第1季度時間暫時調整做星期五22:00檔，截止日期唔係意味住《天天向上》節目嘅終止。
^ C. 《我是歌手》第二季喺2014年4月4號播出結束後，2014年4月11號同埋18號22:00嘅節目分別係《我是歌手雙年巔峰會》同《爸爸去哪兒 (電影)（中文：爸爸去哪兒 (電影)）》。