我想和你唱

每星期將有1—3位明星上載自己嘅合唱徵集影片，觀眾可透過全民K歌、唱吧等平台參與影片合唱，重可以透過各大線上線下合作平台參與報名。

喺第一季，節目組會從每位明星嘅參與者入面選出六位嚟到派對現場，六位入面影片點讚數排名前三嘅可透過現場競演爭奪同明星同台合唱嘅機會，明星將會從中揀一位做派對嘅演唱拍檔進行合唱，每星期嘅派對現場重會評出最受歡迎嘅草根嗨唱達人畀音樂獎勵。

喺第二季，節目組會從三位明星嘅參與者入面選出一百位嚟到派對現場，舞台亦將為佢哋設置專門區域，百人嗨唱團作為一方陣營可隨時同明星進行互動。同時，為配合百人嗨唱團嘅到來，節目模式亦進行咗全新升級，取消咗第一季入面原有嘅「6進3」環節，取而代之嘅係透過百人即興互動然後現場宣佈三位進入第一輪合唱，之後嘅「3對1合唱」、「明星3選1」同埋「1對1圓夢合唱」等環節就同第一季一樣，而評選最受歡迎嘅草根嗨唱達人環節就被取消。

第三季將會喺互動性同音樂性上面作出全新升級，並新增「Call Out」、「十秒同框合唱」同埋「想唱KTV」三個星素互動環節。令外，派對主人韓紅亦將同每期嘅音樂大來賓一齊完成音樂上面嘅合作^[3]。

第四季嘅賽制整體上回歸第二季，並將第三季嘅「十秒同框合唱」升級為「百人合唱」。令外，主持人汪涵重將走出演播廳，每期探訪一組特別嘅素人嘉賓，搵到生活入面嘅歌者，並邀請佢哋參與節目錄製^[4]。

第五季喺「百人合唱」之後新增「30人合唱」，並取消咗「明星3選1」同埋「1對1圓夢合唱」兩個環節，其他沿襲第四季^[5]。

每星期嘅派對現場都會設置一個由4—8人組成嘅鑒客團（薦樂團），負責幫明星揀佢哋嘅演唱拍檔^[1]。