愛是不保留

爾隻歌喺2002年推出嗰陣有另一個版本，叫做 〈我信愛是恆久〉，旋律一樣但係歌詞唔同，冇咁明顯係基督教歌，同樣係盧永亨填嘅詞，原唱係郭家俊同何凱文^[1]:14，坊間有人叫佢做 ｢婚禮版｣，但係歌詞紙其實冇咁寫。

首歌出過兩個唔同歌詞嘅嘅英文版；第一個係2005年推出嘅 〈An Unreserved Love〉，由盧永亨同 Queenie Lo 翻譯，劉沙崙原唱，收錄咗喺專輯 《愛是不保留：詩・民歌集II》 入面^{[3][4][註 1]}，第二個係2006年推出嘅 〈Unreserved Love〉，由盧永亨同 Juwita Sowito 翻譯，Juwita Sowito 原唱，收錄咗喺專輯 《盧永亨作品集 2 尋著您的那天》 入面^[3][5]。而今喺 Spotify、Apple Music 等等嘅音樂串流媒體搵到嘅都係2006年版嘅 〈Unreserved Love〉。

首歌另外有國語版，叫 〈愛是無盡頭〉，喺2008年收錄咗入 《盧永亨作品集 3 末世燈臺》 專輯入面^[6][7]。

可能被某隻專輯嘅推出年份誤導，但係一直都有傳呢首歌係為『天作之盒』而度身訂造或為紀念2003年沙士而作，即係話首歌係2004年出。其實盧永亨喺2001年9月5日已經寫好呢首歌，2002年嗰陣由音樂樂園錄製，收落喺佢哋2002年隻碟，所以首歌其實喺2002年出。

另一個講法係爾首歌嘅原唱係劉沙崙^[12][13]，同唔知首歌喺2002年已經出咗碟可能有關^{[13][註 2][14][註 3]}；但係劉沙崙本人早喺2004年播出嘅訪問同再喺2022年播出嘅另一次訪問表明佢係喺謝婉雯過世之後 CBN（視博恩香港）先搵佢唱 〈愛是不保留〉 同 〈我信愛是恆久〉^{[13]:21:42–23:06}，時間係2022年嘅大約18年前^{[13]:2:45–3:00}，係2002年之後嘅事，所以佢並唔係首歌原版嘅原唱。