《情人》係由劉卓輝填詞，黃家駒作曲，Beyond演唱。呢隻歌收錄喺《樂與怒》專輯入面。
呢隻歌喺做Demo嗰陣原本係叫《大陸情人》[1]。由於1990年代嘅香港同中國大陸有文化同經濟上嘅差異，所以呢隻歌係講緊男方嘅香港人同女方嘅大陸妹喺呢個背景下戀愛係需要面對好多難題[1]。
呢隻歌喺1994年由姚謙同厲曼婷填詞改編做國語版，歌名叫《戒痕》，並收錄喺《味道》專輯入面，由辛曉琪演唱[2]。