張發奎

張發奎 ，CBE（英文：Chang Fa-kwei，1896年 9月2號—1980年 3月10號），字向華，原名發葵，^[1]又名逸斌，係中國國民革命軍陸軍上將。佢喺第二次世界大戰期間立功，獲英國頒贈大英帝國勳章。戰後，佢喺英治香港定居直至終老。

軍事生涯

1947年5月2號，港督楊慕琦爵士偕同夫人、女公子Nora，仲有戰時組織英軍服務團嘅長官賴廉士上校等人，一行訪穗。喺沙面廣州行轅，楊慕琦代表英皇向張發奎將軍送贈CBE勳章，以紀念佢二戰時喺桂林協助英軍之功。^[2]^[3]

1949年，張定居香港。佢做過客家人組織崇正總會會長。而家九龍李鄭屋邨崇正中學仲有禮堂「張向華紀念堂」紀念佢。

張定居香港廿年，一直拒絕到臺灣任職中華民國政府，亦冇返過大陸。1972年去過臺灣參加雙十節，同蔣介石、蔣經國兩仔爺會面。

1980年，張發奎喺香港養和醫院病逝，^[4]享年83歲。中華民國總統蔣經國發佈總統府褒揚令，稱張發奎將軍「安內攘外，屢著勛勞，執節懷忠，擁護國策」。