張信哲

喺教會長大嘅張信哲係牧師個仔，自細就喺音樂上受到啟蒙同訓練。佢喺學校歌唱比賽被發掘，簽約滾石唱片嘅子公司巨石音樂，憑首張專輯《說謊》而紅，一年內連續出《說謊》、《憂鬱》、《忘記》3張專輯，2部電影同1部電視劇，入圍第2屆金曲獎最佳男演唱人獎。1992年結束服役後，佢回歸樂壇，出嘅《知道》專輯（主打歌《難以抗拒你容顏》同《最想念的季節》）重係好賣。但係呢個時候嘅佢覺得自己嘅音樂事業進入瓶頸期，開始揾轉型同突破，於是拒絕各種商業演出，沉寂一年時間打造新專輯《心事》。呢張專輯後嚟被證明係將張信哲推上巔峰嘅重要作品。由李宗盛重新幫黎沸揮喺新加坡、馬來西亞首張個人專輯出嘅作品《愛你的餘温》重新填詞，做主打歌嘅《愛如潮水》重成為佢最經典嘅情歌，從此「哲式情歌」嘅音樂風格開始形成。1994年，佢出《等待》專輯，主打歌《別怕我傷心》係佢重新翻唱李宗盛嘅另一好作品，重超越咗原唱李冠毅，係佢嘅另一經典作品。專輯中另外2首：《依依不捨》同埋同劉嘉玲合唱嘅《有一點動心》重係KTV入面男女對唱嘅最受歡迎歌曲之一。

1995年，同巨石音樂約滿後，佢成立咗自己嘅音樂工作室潮水音樂、同加盟科藝百代旗下附屬廠牌種子音樂，從此開啟咗到依家令歌迷懷念嘅「EMI時代」。1995年，佢出咗巔峰嘅嘅作品《寬容》國語專輯，《不要對他說》、《過火》、《忘情忘愛》等全部做咗經典作品。呢張專輯都令佢攞到港臺新地區好多最重要嘅音樂獎項，包括台灣金曲獎最佳國語男歌手獎。1996年，係佢音樂作品最多產嘅一年，出「EMI三部曲」入面嘅第2部國語專輯《夢想》，同2張粵語專輯《深情》、《思念》、1張英文專輯《夜色》。《夢想》專輯延續咗《寬容》嘅成功，主打歌《太想愛你》同本非主打嘅《且行且珍惜》（翻唱1992年伍思凱舊作），成為暢銷金曲。1997年，佢出「EMI三部曲」嘅第3部國語專輯《摯愛》，主打歌《用情》、《受罪》、《快樂》都有好評。從1993至1997年間佢出嘅國語專輯係華語樂壇最好賣嘅作品，銷量超越當時好多嘅港臺巨星，佢亦成為台灣嘅「本土銷量王」。

1997年起，佢轉同新力音樂合作。雖然憑住「哲式情歌」創造咗好好嘅成績，但係佢自己就唔唯唱太多情歌，曾經想嘗試唔同類型嘅音樂就被之前嘅公司否認，加盟新力嘅一個重要原因係可以攞到更多嘅音樂製作自由度，所以佢嘅音樂風格都開始咗新嘅轉變。1997年，佢出加盟新力嘅首張國語大碟《直覺》。喺整新專輯嘅時候，佢同製作人都表示暫時唔考慮銷量，做一張自己鍾意嘅專輯。雖然音樂風格嘅轉變喺歌迷入面引起咗一啲爭議，但幾年後佢話《直覺》係佢自己最鍾意嘅一張專輯。1998年，佢首次參加大陸嘅《春節聯歡晚會》。1999年，佢出咗國語專輯《回來》同《愛就一個字》（動畫電影《寶蓮燈》主題曲），呢首歌係佢喺中國大陸最重要嘅作品，影響力可以同《愛如潮水》比。2000年，曲再次同李宗盛合作，出國語大碟《信仰》，但係由於網上盜版嘅興起，專輯銷量唔理想。2001年，佢開始行電影行業，同出新專輯《我好想》。呢張專輯原本係同新力唱片公司嘅最後一張專輯，但係因為種種原因，佢都係揀咗同新力續約。2002年，佢唱咗自己嘅新代表作：韓劇《冬季戀歌》嘅中文主題曲《從開始到現在》。2004年，出新專輯《下一個永遠》，包括咗由松本俊明打造嘅經典作品《白月光》。2005年，攞咗新城國語力「殿堂歌手獎」。礙於唱片業開始進入蕭條期，同埋同唱片公司有理念上嘅唔同，大約從2000年開始佢經歷咗一啲事業上嘅起伏。佢後來曾唔止一次咁話，2005年至2006年係佢事業嘅最低谷時期，唱片公司嘅重組令佢身邊嘅團隊成日換，而佢喺呢個時候都有退出樂壇嘅念頭，之後揀咗同新力提前解約，開啟全新獨立製作音樂嘅新模式。

同新力解約後，佢開始嘗試完全獨立製作音樂嘅模式（專輯發行方面交畀其他唱片公司），而佢都係第一批嘗試獨立製作嘅主流歌手入面嘅一位。2006年，出《做你的男人》，專輯銷量入咗年度華語樂壇年度頭3名。之後嘅作品入面——2007年粵語專輯《雪國八月》、2008年國語專輯《逃生》、2010年嘅《初 專輯》、2012年嘅《空出來的時間》，佢試咗唔同嘅音樂類型，包括中國風、歐洲風、Hip-hop、搖滾等。佢話自己已經唔似以前咁在意市場嘅反應，剩係想試多啲自己想做嘅音樂。雖然呢幾張專輯嘅傳唱度唔及當年嘅經典作品，但係重保持嘅好高嘅音樂品質。另一方面，佢都開啟咗個人演唱會嘅黃金期。從2005年開始，佢幾乎每年都會到中國大陸一線城市開個人演唱會，包括「環遊世界」、「時空寄情」、「弦歌有你」、「最好的時光」、「幸福覺哲」、「I SAW 我看見」、「空出來的時間」、「還愛光年」等世界巡迴演唱會，到依家保持住喺北京同上海地區個人演唱會嘅最高開唱紀錄，同時喺2011年成為首位喺英國開唱嘅台灣歌手。另外，佢都開始嘗試音樂以外其他嘅演藝類型，出演咗音樂劇《電影之歌》（2005年）、音樂電影《不完全戀人》（2006年）、《明明》（2007年）、舞台劇《陪我看電視》（2008年－2009年）、舞台劇《露露聽我說》（2009年、2011年）、電影《我和你》（2012年），同喺2011年接掌台北故事劇場，成為團長。2014年，佢重換咗新嘅工作團隊，喺音樂發行上開始嘗試「單曲先發」嘅模式。同年，佢出咗「愛的三部曲」：韓劇《來自星星的你》主題曲中文版《愛你的宿命》、電視劇《古劍奇譚》片尾曲《愛你沒錯》、同由李格弟作詞嘅《還愛還愛》。2015年佢出新專輯《還愛》，同攞咗第19屆華語榜中榜「港台最佳男歌手」同「最佳金曲」獎。2016年1月，加盟湖南衛視《我是歌手》第四季、為首位補位歌手，之後喺突圍賽演唱《致光陰》組曲以第一名突圍成功，喺4月8號總決賽攞亞軍。

2016年1月，加盟湖南衛視《我是歌手》第四季、為首位補位歌手，之後喺突圍賽演唱《致光陰》組曲以第一名突圍成功，喺4月8號總決賽攞亞軍。

• 2005年12月9號－18號 《電影之歌》（首演）
• 2006年6月17、18號 音樂劇《電影之歌》（成都）
• 2006年6月30號 音樂劇《電影之歌》（上海）
• 2007年3月11號 演出全明星話劇《大大大明星》（北京保利劇院）
• 2008年9月開始參加賴聲川導演話劇《陪我看電視》巡迴（9月26號深圳、10月5號上海、10月10號、11號杭州......）飾演富商查理先生
• 2011年話劇《露露，聽我說》飾演張維誠（中國）
• 2012年話劇《露露，聽我說》飾演張維誠（台灣）

• 1989年 《借我握一握你的手》電視單元劇
• 1994年 香港無線電視《暢談普通話》電視單元劇--《北京日與夜》
• 2001年 《橘子醬男孩》（客串演出）
• 2002年 《月光森林》（客串演出）
• 2002年 《輪椅上的父親》（客串演出）

• 1989年 《成功嶺二》
• 1990年 《金馬大兵》
• 2001年 《煙雨紅顏》（另名：《停車暫借問》）
• 2007年 《不完全戀人》
• 2007年 《明明》
• 2012年《我和你》
• 2013年《英雄說話中》

• 1998年2月 中國廣播公司《午餐的約會》
• 2000年6月26號－7月7號 主持中廣Wave Radio 耍大牌V.I.P DJ
• 2001年12月10號－21號 主持中廣Wave Radio 耍大牌V.I.P

• 1997年：PILOT 百樂搖搖筆

• 張信哲嘅facebook頁
• 張信哲嘅新浪博客頁面
• 張信哲嘅新浪微博
• 張信哲喺互聯網電影資料庫嘅資料（英文）