山道文化
山道文化公司(英文:Hillway Culture),係香港一間綜合性文化機構,喺2016年成立。主要業務為代理發行香港書籍同埋文創產品,並經營「山道出版社」(英文:Hillway Press),自家出版同埋製作書籍。初期以販售、出版書籍為主,2022年起旗下事業延伸至網路媒體,推出晚報同埋專題報道。
Hillway Culture | |
舊名 | 山道集團 |
---|---|
類型 | 有限公司 |
開檔 | ![]() |
創辦人 | 楊子俊 |
總部地址 | ![]() |
產業 | 零售業 文化藝術 網路媒體 |
產品 | 圖書 其他出版品販售 晚報 |
子公司 | 山道出版社 |
網址 | www |
事件
2021年參與香港書展被親中派投訴涉違國安法
2021年,山道文化首度參與香港書展,該書展係北京未經諮詢或香港人同意,強行實施《港區國安法》後嘅第一個書展,書展是否容許展覽政治書籍成為部分媒體嘅討論。貿發局就話參展商應知道國安法嘅界線,唔會預審書籍,又話唔認為書展內唔再有政治書籍出售。不過,山道負責人就坦言,害怕被禁止售賣政治類書籍[1]。
不過,激進親中派香港政研會主席鄧德成就聲稱,山道文化刊物內容涉煽動性質、疑違國安法,又致電國安處投訴[2]。
2022年支援烏克蘭
2022年初,俄羅斯入侵烏克蘭,山道文化出版烏克蘭照片集,扣除成本後收益會全數捐贈烏克蘭政府或國際認可人道組織,以資助烏克蘭嘅人道主義救援[3]。
2022年被剝奪參與香港書展資格、另辦香港人書展亦被取消
山道文化被貿發局取消參與2022年香港書展嘅資格,之後佢計劃同10間獨立書店出版社,喺灣仔Mall Plus商場舉辦第一屆「香港人書展」。但去到7月12號,場地業主話負責人楊子俊違反部分場地使用條款,楊子俊相約好第二日朝早再會面討論,但之後業主拒絕會面同討論件事。楊子俊話,業主指控佢地分租做法違反當初嘅的場地使用條款,但佢喺簽約嘅時候已經表明場地用途,唔屬於法律層面上嘅「分租」,合約亦有清楚列明「香港人書展」嘅活動名義。業主又曾經表示過場地曾用作「市集」用途,並可提供相關相片同埋介紹場地工程承辦商,反映佢哋知悉「香港人書展」嘅舉辦模式,質疑後面有政治考慮,對業主代表嘅決定感到極度失望及遺憾。佢又話,呢個唔係政治活動,亦唔認為場內有好多同反修例運動相關嘅書籍[4][5]。