山水畫

山水畫（粵拼：saan1 seoi2 waa2）係國畫其中一個最重要嘅分支，起源於劉宋^[1]。山水畫畫waak6嘅係山以及河同湖等嘅水體，山水畫強調「平遠」、「高遠」同「深遠」多過闊遠，喺視覺上，山水畫有以下多種特性^[2][3]：

• 山水畫會運用散點透視，想要做到「漫步喺山路上」噉嘅效果，令睇畫嘅人可以一路行一路睇，焦點不斷變換，往往會畫出非常長嘅畫卷；
• 「深遠」就係運用遠近山嘅形狀同深淡做對比，畫出立體同山谷深邃嘅效果；
• 除此之外，山水畫亦好重視「意境」，即係唔執著要準確噉畫出事物嘅外形（同西洋畫嘅寫實主義大相逕庭），而係要用雲同霧等嘅景象加埋畫入面嘅人跡（例如係隱士居住嘅一間屋仔）表達出山水嘅主觀實像，呢點被指係體現咗道家嘅思想。

山水畫呢家嘢喺日本畫同韓國畫當中都見得到。

用西洋畫嘅詞彙嚟講，山水畫可以算係風景畫嘅一種。