容永祺
容永祺，SBS，MH，JP（英文：Samuel Yung，1958年8月—[1]），廣東新會人，香港商界親中陣營政治人、保險業名人，第十三屆全國政協委員[2]，十三屆全國政協經濟委員會副主任[3]；第十二屆全國政協委員，第十一屆全國政協委員[4]。香港專業及資深行政人員協會創會會長，香港科技大學高層管理人員工商管理碩士。喺2018年9月起擔任香港考試及評核局主席[5]。
部分公職
政治參與同經歷
容永祺係香港商界親中陣營嘅支持者，曾經做過香港青年聯會主席（2004-2005年）、葵青區議會委任議員。
2007年，佢曾經支持同屬親中派嘅梁美芬參選香港區議會選舉[10]。
喺2016年，佢成為香港特别行政區選舉委員會政協委員。之後，佢有份提名林鄭月娥參與2017年香港行政長官選舉[11]。
2020年5月尾，佢有份參與一份文藝界聯署，支持北京未經諮詢或香港人同意而強行訂立，同時引起泛民主派一致爭議嘅《香港國家安全法》[12][13]，但有關聯署之後被揭發老作，其中名單上嘅張寶華、徐熙媛、李巧靈同蔣志光之後死口唔認有份參與，而陳汝騫就响2019年離世[14]。
喺2021年9月，佢成為香港特别行政區選舉委員會委員(港區全國政協委員)[15]。2022年，佢喺李家超無提政綱嘅情況下，有份提名李家超參與2022年香港行政長官選舉[16]。