宗座監牧區[1]，簡稱監牧區[2]，係天主教會嘅一種過渡性質嘅行政區域，名義上直屬教宗，實際上由教宗委派一個唔係主教嘅普通神父作為宗座代表代管[3][4][5]；個代表叫宗座監牧[1]，職權類似主教[3]，但係身份並唔係主教。
宗座監牧區係天主教傳入某地之後第一期嘅發展，條件成熟會升格做宗座代牧區[1][6][7]。
喺2023年，全世界有39個宗座監牧區，大約四分三喺中國大陸[8]。