大洋傳媒
大洋傳媒（Pacific Time）係澳洲一個華語媒體集團，1994年成立[1]，總部位於墨爾本，旗下有《大洋時報》、《太陽日報》、《大洋地產》、《分類郵報》、澳洲網，大澳網等多個媒體。[2]佢哋旗下嘅報紙被指定為中國大陸多間航空公司喺中澳航線上嘅唯一澳洲本土刊物。[1]
同中國共產黨關係
曾經有多個澳洲傳媒同埋研究組織指出，大洋傳媒同中國共產黨關係密切，甚至係中華人民共和國對外宣傳機器嘅一部分。
喺2020年12月，澳洲SBS同《布里斯本時報》就報道，澳洲情報部門分析咗一啲中文傳媒網站同熱門微信公眾號，發現好多都係完全受北京控制同審查，部份更加係由中共直接管理。報道提及嘅中文傳媒或者微信平台公眾號，包括大洋傳媒同埋東南網澳大利亞站、南海傳媒、微悉尼，今日悉尼等。[3][4]
另外，澳洲策略政策研究所喺2020年12月17號亦都發表報告，揭露澳洲中文傳媒受到中國共產黨嘅影響去審查內容，其中點名提及澳洲大洋傳媒（Australia Pacific Media Group）同埋佢旗下嘅《大洋時報》（Pacific Time），喺澳洲為中國宣傳同埋對澳洲本土作出政治干預。[5][6][7]