大團圓結局(粵拼:daai6 tyun4 jyun4 git3 guk6,英文:happy ending)係一個故仔最尾講主角同佢嘅同伴都得到快樂,而奸角就被打敗,成個結局嘅氣氛趨向開心。
童話故事
童話故事最尾都係講大團圓結局,例如《白雪公主》、《長髮公主》同《灰姑娘》結局都係講王子同公主結婚,忠嘅角色冚唪唥都開心噉生活落去。
好似係《白雪公主》噉:個故仔嘅主角係一位公主,相傳佢生得好靚,而且肌膚好似雪咁白淨,所以個名叫白雪;根據依家流通嘅版本,白雪嗰個後抵乸母后妒忌白雪生得靚,所以就逼害白雪;白雪逃走去咗森林,遇到七個小矮人仲喺佢哋度住,之後惡毒女皇扮成阿婆請白雪食毒蘋果,搞到白雪昏迷不醒。不過王子嚟到救返白雪,而惡毒女皇最後亦都無好下場。
常見橋段
- 兩個世界嘅主人[歐 1]:主角可能達致同時掌控到自己原先嘅世界同埋另一個世界;如果用好似希臘神話嗰種方法想像,可能英雄本身係凡人,透過佢嘅旅程得到天神噉嘅力量,令到佢喺人界同天界都同時受到人神嘅敬仰[1]。
- 自由噉生存落去[歐 2]:英雄旅程講到嘅一個概念;喺呢個階段,能夠一次過掌握晒(平凡同靈性)兩個世界,英雄「唔再畏懼死亡」,唔再成日擔憂未來或者後悔過去。坎伯喺佢本書入邊用咗耶穌嘅十二門徒做例子,講佢哋喺耶穌復活升咗天之後成個人唔同晒,變到完全無私噉奉獻自己去建立耶穌嘅教會,就算面對羅馬帝國暴力同死亡嘅威脅都唔再畏懼。
[1] 英雄擁護嘅係變緊嘅事物,而唔係變咗嘅事物... 佢(英雄)唔會以為望落唔變就係永遠存在,亦唔會畏懼下一刻,唔會怕下一刻嘅改變會破壞永恆嘅事物[2]。
睇埋
引述
歐詞