多倫多中區唐人街
(由多倫多中區華埠跳轉過嚟)
多倫多中區唐人街，又叫多倫多中區華埠，係加拿大多倫多嘅一個華埠，1967年左右出現[1]，位於士巴丹拿道夾登打士西街附近，喺多倫多淨講唐人街通常係指呢度。
.jpg)
喺以前星期日唔准開舖嗰陣，佢因為算係遊客區，係少數星期日可以合法開門口做生意嘅地方。2007年開始，中區唐人街入面嘅兩條街正式註冊咗做商業促進區（business improvement area，BIA），士巴丹拿道嘅部份由蘇利雲街開始，到書院街，而登打士西街嘅部份就係由比華利街開始，到澳吉士打道[2][3]。
中區唐人街入面有唔少路牌有中文街名，啲譯音全部都係跟粵語。呢啲中文街名除咗路牌上面有，政府出中文通告亦都會用[4]；亦有一啲比較邊嘅緣嘅街本來有中文街名，後來冇咗，例如 Stephanie Street 個路牌本來寫明係史蒂芬尼街[5]，到咗2010年代中期，路牌上面已經淨係得返英文。