劉歡

佢喺天津嘅一個教師家庭出世。1981年喺天津耀華中學畢業，1985年喺國際關係學院法語專業畢業，大學期間因參加法語歌曲創作大賽攞獎，拎咗法國政府獎勵去巴黎旅遊。

佢喺1985年攞到北京首屆高校英語、法語歌曲比賽雙料冠軍，之後就開始咗佢嘅音樂生涯。令佢出名嘅係1988年頭中央電視台熱播嘅兩部電視劇：一三五播《便衣警察》、二四六播《雪城》^[2]，兩部電視劇嘅主題曲《少年壯志不言愁》同《心中的太陽》都係佢唱並且同時大熱。

《心中的太陽》令佢同《便衣警察》結緣。當《心中的太陽》錄製完後，《便衣警察》嘅導演組聽到佢嘅歌聲後請佢唱《便衣警察》嘅主題曲《少年壯志不言愁》^[3]。所以，佢出名歌應該係《心中的太陽》。

2004年3月19號晚，喺北京首都體育館搞咗「歡歌2004北京個人演唱會」，係佢出道19年嚟第一次搞個人演唱會。

2006年6月9號，喺上海大舞台搞咗佢嘅藝術生涯入面第二場個人演唱會。

2007年7月3號，佢同廖昌永、莫華倫一齊喺北京人民大會堂搞咗「震撼」歌曲音樂會，成功咁將流行音樂同古典音樂融入同一場演出入面，並且喺國內首次引入「逍遙音樂會」嘅元素。

2013年1月1號，佢喺北京萬事達中心舉辦《傾聽我們的年代——留歡2012》大型演唱會，中國好聲音學員吉克雋逸、王乃恩、權振東、鄭虹、姚貝娜等都有演唱。

原創作品非常多元，包括電視劇《後宮甄嬛傳》原聲音樂同《北京人在紐約》、《東邊日出西邊雨》、《胡雪巖》、《闖關東》、《去者》、《情怨》等電視劇嘅原聲音樂。電子方面代表作：《Far Away》。愛情代表作有《璐璐》。

唱過好多電視劇主題曲，代表作《少年壯志不言愁》、《彎彎的月亮》、《千萬次地問》、《得民心者得天下》、《好漢歌》、《鳳凰于飛》。另唱過動畫電影《寶蓮燈》插曲《天地在我心》，

喺1990年北京亞運會開幕式同韋唯合唱《亞洲雄風》，影響遠超過咗「內定」嘅會歌，被叫做1990年北京亞運會「不是會歌的會歌」。

2005年，同香港歌手方力申合作，佢作曲作詞唱國粵語歌。2008年，參加迎奧運歌曲《北京歡迎你》嘅錄製，同群星合作。2008年8月8號，佢同英國歌手莎拉·布萊曼一齊唱北京奧運會主題歌《我和你》。

2014年1月30號，喺馬年除夕夜央視春晚同法國演員蘇菲·瑪索合唱《玫瑰人生》。2019年，喺《歌手2019》第一輪踢館賽首唱佢嘅新原創作品《流浪地球》主題曲《帶着地球去流浪》。

畢業後喺國際關係學院教書。1985年、1986年跟住中央講師團去寧夏石嘴山支教一年，教音樂。1991年到依家喺對外經濟貿易大學教《西方音樂史》。

有網友發現，劉歡喺奧運會後並未高高在上；出門五帶墨鏡卻撑著拐杖嘅佢吸引公眾嘅視線。大家關心佢嘅健康狀況，同喺2003年盛傳佢去歐洲醫病係唔係有關^[4]。2009年，佢因患股骨頭缺血性壞死，暫停教書。2011年8月31號夜晚，好返後就重返講台^[5]。2019年3月，佢接受心臟支架手術。

2019年1月，加盟湖南衛視《歌手2019》、為首發歌手，喺4月12號總決賽攞咗歌王。

• 劉歡喺互聯網電影資料庫嘅資料（英文） （英文）