人道援助

人道援助係一啲基於人道主義而提供嘅幫助，一般都係必需品，而且針對一個地方嘅弱勢社群，例如流離失所嘅人。

人道援助應該係一個暫時性嘅系統，喺長遠需要由國家自己政府負擔返。如果啲資源唔單單係短期咁維持當地人民嘅生存，而係希望長遠性咁改變一個地方嘅經濟社會系統嘅話，就係屬於發展援助。有啲組織鼓勵用人道援助嚟同時改善當地嘅發展，但係亦有學家反對^[1]。

人道援助一般都係被認爲係“一種反映人民團結同道德價值”嘅行動^[2]。人道援助可以係由地區或者國際組織提供，而聯合國之中主要負責提供人道援助嘅有4個：聯合國難民署、聯合國兒童基金會、聯合國開發計劃署、同埋世界糧食計劃署^[3]。

根據紅十字會，就算喺打仗期間，所有參與者都應該容許人道援助^[4]。喺2008年，有122位援助員工被殺，260位俾人攻擊，其中最嚴重嘅係阿富汗同埋索馬利亞^[5]。喺2014年，一份報告話最多援助員工同居民摩擦嘅地方包括阿富汗、剛果民主共和國、中非共和國、蘇丹、南蘇丹、敘利亞、巴基斯坦、索馬利亞、也門、同埋肯雅^[6]。

根據 OCHA，喺2022年，有2.74億人需要人道援助，即係每29個人就有1個^[7]。2023年，全球人道援助所需要嘅資金係大約552億美元，嚟針對3.39億人之中嘅2.3億人^[8]。呢個比起202年頭估計嘅多了25%^[9]。因爲呢個龐大嘅需要，唔少組織都開始見到對資金嘅壓力，所以盡量研究最有效嘅方法嚟提供人道援助^[10]。有學家批評人道組織太過“死板”，令接受援助嘅人可以係咁擴大佢哋嘅底綫^[11]。