世越號海難

 世越號海難（粵拼：sai3 jyut6 hou6 hoi2 naan4）係指2014年4月16號朝早南韓客輪「世越號」^[1]（華文媒體之前譯「歲月號」，韓文：세월호）由仁川開去濟州嗰陣，響全羅南道珍島郡屏風島北面20公里海域傾側後沉船嘅海難，有295人死、172人獲救，重有9人未搵返。船上面有476人，多數都係安山市檀園高等學校嘅中學生^[2]。船長李忠錫喺隻船開始沉嗰陣即刻走路^[3]，唔理船上面嘅乘客，受到波及嘅人嘅家屬好憎佢，重有人質疑佢有冇資格揸「世越號」^[3]。

「世越號」好長同好重，有成一百四十幾米同七千噸，可以載到九百二十一個人^[4][5]，但係出事嗰日佢淨係載住四百二十一個人，但同時有報導指部船貨物超載^[6]。

「世越號」嘅船長李忠錫喺事後解釋，話因為自己囉柚痛先率先走出「世越號」，而「世越號」高層亦都向各家屬致歉。