《一生所愛》係電影《西遊記大結局之仙履奇緣》嘅插曲，收錄喺《齊天周大聖之西遊雙記 電影歌樂游唱版》唱碟，由唐書琛填詞，盧冠廷作曲、編曲同演唱。
盧冠廷喺寫呢隻歌嗰陣，導演劉鎮偉話呢段愛情係500年都冇結果嘅，之後佢同唐書琛用咗兩個鐘就寫完隻歌。
呢隻歌喺2013年推出《西遊·降魔篇》嗰陣，鄭嘉嘉填詞翻譯呢隻歌做國語版本，並由舒淇演唱呢部電影嘅主題曲。喺2016年推出《大話西遊3》嗰陣，盧冠廷重新為呢隻歌編曲，並畀韓庚演唱呢部電影嘅主題曲。