Gideon Okeke

Gideon jẹ́ ọmọ kan ṣoṣo tí àwọn òbí rè bí, ó sì dàgbà sí Ajegunle, èyí tó jẹ́ ọ̀kan lára àwọn ìlú tó kún fún jàgídíjàgan ní Ìpínlẹ̀ Èkó.^[5] Ó kẹ́kọ̀ọ́ ní Nnamdi Azikiwe University, níbi tí ó ti kọ́ nípa applied bio-chemistry. Lẹ́yìn náà ni ó forúkọ sílẹ̀ ní Lee Strasberg Institute, ní New York, níbi tí ó ti gba ẹ̀kọ́ nípa eré ṣíṣe.^[5]

Lẹ́yìn tó farahàn nínú ìdíje Big Brother Nigeria, Gideon darapọ̀ mọ́ àwọn akópa eré Tinsel, èdá-ìtàn Phillip Ade Williams, sì ló ṣe.^[6][7] Gideon ti farahàn nínú fíìmù ilẹ̀ South Africa kan tí àkọ́lé rẹ̀ jẹ́ Jacobs cross.^[7] Ní ọdún 2014, ó ṣe ẹ̀dá-ìtàn Bernard nínú fíìmù irokotv kan, tí àkọ́lé rè ń jẹ́ Poisoned Bait, èyí ti Leila Djansi darí. Bákan náà, Gideon ni olóòtú ètò DSTV kan tó ń jẹ́ Money Drop.^[8]

Fíìmù àkọ́kọ́ tí Gideon máa ṣe ní fíìmù Nàìjíríà kan, tí àkọ́lé rẹ̀ ń jẹ́ Relentless, ní ọdún 2010. Lára àwọn akópa mìíràn tí wọ́n jìjọ ṣe fíìmù náà ni Jimmy Jean-Louis àti Nneka Egbuna.^[9] Fíìmù ẹ̀kejì rẹ̀ ni fíìmù ọdún 2014 kan, tó jẹ́ mọ́ ìwá̀-ọ̀daràn, tí àkọ́lé rẹ̀ jẹ́ A Place in the Stars. INí ọdún kan náà, ó ṣe ẹ̀dá-ìtàn Tobena, nínú fíìmù ajẹmọ́fẹ̀ẹ́ kan, tí àkọ́lé rẹ̀ ń jẹ́ When Love Happens. Àwọn fíìmù mìíràn tí ó ṣe ni Gbomo Gbomo Express, àti 93 Days.^[10][11]