קאראס
דארף אין אונגארן
|
קאראס אדער ניר-קאראס (אונגעריש: Nyírkarász אדער Karász) איז א דארף אין סאבאלטש-סאטמאר-בערעג ראיאן, אונגארן, 13 ק״מ דרום פון קליינווארדיין און 33 ק״מ צפון־מערב פון נירעדהאז. דאס דארף האט א באפעלקערונג פון 2,297 (לויטן צענזוס פון 2011).
אידן האבן זיך באזעצט אין קאראס אין די אנפאנג דעם 18טן יארהונדערט. עס איז געווען א שול, תלמוד תורה און א חדר. די געמיינדע האט געהאט א רב, שוחט, מלמד און שמש. אין 1880 זענען געווען 220 אידן אין קאראס.[1] רבי משה אברהם אייזענבערגער איז געווען רב און א מורה הוראה אין קאראס, צווישן 1850 און 1890.[2]אין די יארן פאר דעם צווייטן וועלט קריג, איז געווען רבי משה נחמיה ליפשיץ דער שוחט ומו"ץ אין קאראס.[3]אין 1930 זענען געווען 164 אידן אין דער קהילה.[1]
וועבלינקען
- נ'ירקאראס NYIRKARASZ (ארכיווירט 13.06.2020 ביי דער Wayback Machine), אויף דעם וועבזייטל פון "בית התפוצות" (יידישע לעבן אין קאראס).