ჯონ ვოიტი
ჯონ ვოიტი (ინგლ. Jon Voight; 29 ქირსეთუთა, 1938, ნიუ-იორკი) — ამერიკალი არტისტი კოჩი. მაართა წჷმოძინა მიპალუ ფილმით „შქასერიშ კოვბოი“, მუშოთ მიღჷ ორქოშ გლობუსი წანაშ ახალი მურიცხი კოჩიშო. კარიერაშ გოძვენას მიპალუ ოსკარიშ ოთხი ნომინაცია დო ართი ჯილდო, ორქოშ გლობუსიშ ჩხორო ნომინაცია დო ჟირი ჯილდო.
| ჯონ ვოიტი | |
 | |
| დაბადებაშ ჯოხო | ჯონათან ვინსენტ ვოიტი |
| დაბადებაშ აბანი | ნიუ-იორკი, ააშ |
| დებადჷ | 29 ქირსეთუთა, 1938 |
| საქვარუა | არტისტი |
| აკოქიმინჯალაშ წანეფი | 1959–ასეშა |
| ალმასქუ(ეფი) | ლაური პეტერსი 1962-1967 მარშელინ ბერტრანი 1971-1980 |
| აკადემიაშ ჯილდოეფი | |
|---|---|
| ოსკარი | |
| ორქოშ გლობუსიშ ჯილდოეფი | |
| ორქოშ გლობუსი | |
ფილმოგრაფია
| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1969 | ფ | შქასერიშ კოვბოი | Midnight Cowboy | ჯო ბაკი |
| 1972 | ფ | გოდუდიშულაფა | Deliverance | ედი |
| 1978 | ფ | ჸუდეშა დორთინა | Coming Home | ლუკ მარტინი |
| 1979 | ფ | ჩემპიონი | The Champ | „ჩემპი“, ბილი ფლინი |
| 1985 | ფ | ნანტებუ მახინწალი | Runaway Train | ოსკარ მაინჰაიმი, „მენი“ |
| 1997 | ფ | ანაკონდა | Anaconda | პოლ სერონი |
| 1997 | ფ | ყაზაყი | The Rainmaker | ლეო დრამონდი |
| 2001 | ფ | ლარა კროფტი: ონთხორუეფიშ მარჩვალი | Lara Croft: Tomb Raider | ლორდი რიჩარდ კროფტი |
| 2001 | ფ | პერლ ჰარბორი | Pearl Harbor | ფრანკლინ დელანო რუზველტი |
| 2004 | ფ | ერუანული საგანძური | National Treasure | პატრიკ გეიტსი |
| 2007 | ფ | ტრანსფორმერეფი | Transformers | ჯონ ფელერი |
| 2013 | ს | რეი დონოვანი | Ray Donovan | მიკი დონოვანი |
პიჯული რინა დო ფანია
ჯონ ვოიტი რე არტისტი ანჯელინა ჯოლიშ მუმა. თის სქუაწკჷმა ხოლოშ ურთიართობა ვა უღჷ. მუმა დო სქუაშ ართგვარი აკორიგაქ მოხვადჷ ფილმის „ლარა კროფტი: ონთხორუეფიშ მარჩვალი“ (2001). 2002 წანაშ 12 ეკენიას ანჯელინაქ დეთხინუ გვარი ვოიტი. ათე წანას გინოჩამას „Access Hollywood“ ჯონ ვოიტი ირწუმუაფუდ, ნამდა თიშ ცირასქუას სერიოზული ემოციური პრობლემეფი უღუდჷ. გვიანო ჯოლიქ შინუ, ნამდა ვაურაგადჷ მუამუშის, ნამდა ფანია იშენდოიშენი ზისხირით მეჯგირალას ვაშანენს დო თინა ოკო იშუე.
რესურსეფი ინტერნეტის
შეგილებუნა ქოძირათ მედიაფაილეფი თემაშე „ჯონ ვოიტი“ ვიკიოწკარუეს.- (ინგლისური) ჯონ ვოიტი — კინოფილმეფიშ ინტერნეტ მუნაჩემეფიშ ბაზას
