ძღაბქურცამიშობურეფი თაშნეშე ზღაბქურცამიშობურეფი, ძღაფურსამიშობურეფი, გიძღაბიშობურეფი (ლათ. Erinaceidae) — ბჟაშუმუეფიშ ფანიაშ ჭანდიწკომუეფიშ რანწკიშ ჩხოლარი. ფანიას 8 გვარიშ 20 გვარობა რე, ნამუთ აკოკათელი რე 2 გიმეფანიას: ჸორჭუკიშობური ძღაბქურცამეფი (Echinosoricinae) დო ნანდული ძღაბქურცამეფი (Erinaceinae). ნანდულ ძღაბქურცამეფს უღჷნა კუნტა კუდელი, გაგაჩის ძღეფი, კანგიმენი თაჯური კუთეფი, ნამუეფიშ აკოკიროკუაშ შედეგო რსხული იკვარკვალუ. ხე ევროპას, აზიაშ ზჷმიერ ორტყაფუს, ინდოეთის დო აფრიკას. საქორთუოს დახე ირდიხას აფხვადჷნა რჩქვანელობური ანუ ევროპული ძღაბქურცამი (Erinaceus europaeus), ჭკომუნს ჭანდეფს, ღვერწკეფს, ჭიე-ჭიე გაგაჩამეფს (ხვილარეფს, გვერეფს დო შხვა), ორგებელი ჩხოლარეფი რე, მუთმოჯალაგანა ჭანდეფს.
ძღაბქურცამიშობურეფი რენა მონოფილეტურეფი.[1] შხვა ჭანდიჭკომუეფშე თინეფწკჷმა არძოშე არხოს რენა ბიგაშობურეფი.[2]
სქოლიო