რუბიკიშ კუბი
რუბიკიშ კუბი (დუდმაართშე ჩინებული რდჷ, მუჭოთ „მაგიური კუბი“ უნგრ. Bűvös kocka) — მექანიკური დუდიშ ოტახალი, გჷმიგონუ უნგრალ სკულპტორქ დო არქიტექტურაშ პედაგოგიქ ერნო რუბიკიქ 1974 წანას, ნამუთ დაპატენტჷ ართი წანაშ უკული.
დუდიშ ოტახალი პლასტმასიშ კუბი რე, ნამუთ გალეშე უძირაფე ლირეეფს მაყარე 26 მორჩილი კუბიშე აკმოდირთჷ. კუბიშ ირი კუნთხუს ჩხორო კვადრატიშე ირი ღაფილი რე ამშვი ფერიშე ართ ნამდგაინ ფერო დო დვალირი რე ჭკობათ ართი მაჟირაშ სააწმარენჯოთ: ჩრ-ჸვინთელი, ლენი-წვანე, ჭითა-ნარინჯიშფერი. კუბიშ კუნთხუეფიშ რთაფათ შილებე ფერამი კვადრატეფიშ შხვადოშხვანერო გჷნობუჯგუა. მოლაჸაფეშ ეშაჩინებუ რე: ირი ფარდიქ თეშ ოკო ქჷდინწყუას, ნამჷ-და ართნერი ფერიშ კვადრატეფშე აკმოდირთუდასჷნ.
2009 წანაშ მუნაჩემეფით, მოსოფელიშ მასშტაბით, გვალო 350 მილიონი რუბიკიშ კუბიქ გიმიჩინუ[1][2]. თე მაძირაფალით რუბკილიშ კუნი მოსოფელს არძაშე გჷმოჩამაფონი დუდიშ ოტახალი რდჷ[3][4].
2018 წანაშ მუნაჩემეფით, რუბიკიშ კუბიშ ენწყუალას მოსოფელიშ რეკორდი ჩინეარ იუიშენ დუქ (ჩინ. 杜宇生) მონწყჷ (3,47 წამი).[5]
რესურსეფი ინტერენეტის
- შეგილებუნა ქოძირათ მედიაფაილეფი თემაშე „რუბიკიშ კუბი“ ვიკიოწკარუეს.
- ოფიციალური ვებ-ხასჷლა