რიჩარდ ჯენკინსი
რიჩარდ დეილ ჯენკინსი (ინგლ. Richard Dale Jenkins; დ. 4 მესი 1947, დე-კალბი, ილინოისი, ააშ) — ამერიკალი თეატრიშ დო კინოშ არტიტი.
| რიჩარდ ჯენკინსი | |
 რიჩარდ ჯენკინსი 2009 წანას | |
| დაბადებაშ ჯოხო | რიჩარდ დეილ ჯენკინსი |
| დაბადებაშ აბანი | დე-კალბი, ილინოისი, ააშ |
| დებადჷ | 4 მესი, 1947 |
| საქვარუა | არტისტი |
| აკოქიმინჯალაშ წანეფი | 1974–ასეშა |
| ალმასქუ(ეფი) | შარონ ფრიდრიკი (1969-ამდღარშა) |
ბიოგრაფია
დებადჷ დო მირდჷ ილინოისიშ შტატიშ ნოღა დე-კალბის, დიამუშიშ დიაჸუდეშ — მერი ელიზაბეთიშ დო მუამუშიშ სტომატოლოგიშ — დეილ სტივენ ჯენკინსიშ ფანიას. გურაფლენდჷ დე-კალბიშ უმაღალაშ სკოლას. თეიშა სოიშახ არტისტი იჸიდუნჷ ოხარგალიშ მაჯღვერო ხანდენდჷ. ილინოისიშ უესლიანიშ უნივერსიტეტის გურაფას მიღჷ ხარისხი დრამაშ სფეროს. Trinity Repertory Company-იშ ბუნაშ ართ-ართი არტისტი რდჷ, სოდეთ ილაჸაფჷ მიარე სპექტაკლის. 1990-1994 წანეფს რდჷ ათე თეატრიშ ხანტურული ხემანჯღვერი. თიში კინოდებიუტიქ იჸუ 1974 წანას.
1980-იან დო 1990-იან წანეფს კინოს მაჟირახარისხამი როლეფს ღებულენდჷ. ფართე ჯარალუაშო ჩინებულქ იჸუ თიშ უკული მუთი ილაჸაფჷ ოტელევიზიე სერიალს „ამშვი ფუტი დიხაშ თუდო“. შანულამი რდჷ ხოლო რსულებური როლეფი ფილმეფს „სუმარი“ დო „ჯარგვალი ტყას“. უოლტერ ვეილიშ როლიშ რსულებაშო ფილმის „სუმარი“ ნომინირაფილი რდჷ ოსკარს საუჯგუშო არტისტი კოჩიშო.
ფილმოგრაფია
| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 2001 | ს | 2005 | ამშვი ფუტი დიხაშ თუდო | |
| 2001 | ფ | ადამიერი, ნამუთ ვარსებენდჷ | The Man Who Wasn’t There | უოლტერ აბუნდასი |
| 2003 | ფ | უგურზუმუ სიკონწარე | Intolerable Cruelty | ფრედი ბენდერი |
| 2005 | ფ | ოორუეშ ქიანა | North Country | ჰენკ ეიმსი |
| 2006 | ფ | გურეფიშ მატახალეფი | I ♥ Huckabees | მისტერ ჰუტენი |
| 2007 | ფ | სთუმარი | The Visitor | პროფესორი უოლტერ ვეილი |
| 2008 | ფ | ჯიმაყონერეფი | Step Brothers | რობერტ დობაკი |
| 2008 | ფ | კითხირიშ უკულ ხათეშე დოჭვით | Burn After Reading | ტედ ტრეფონი |
| 2010 | ფ | ჭკომი იხვამი ქიჸოროფე | Eat Pray Love | რიჩარდი |
| 2011 | ფ | მაჸალური სექსი | Friends with Benefits | მისტერ ჰარპერი |
| 2011 | ფ | რომიშ დღაური | The Rum Diary | ედვარდ ლოტერმანი |
| 2012 | ფ | მოჸვილი თინჩას | Killing Them Softly | მძღოლი |
| 2012 | ფ | ჯარგვალი ტყას | The Cabin in the Woods | გერი სიტერსონი |
| 2013 | ფ | A.C.O.D. | A.C.O.D. | ჰიუ |
| 2014 | ფ | ღორონთიშ ჯიბე | God's Pocket | რიჩარდ შელბერნი |
პიჯული დო ფანიური რინა
1969 წანაშ 23 მარაშინათუთაშე გურგინუას რე შერონ ფრიდრიკწკჷმა. ჭკობას ჸუნს ჟირი სქუა.
რესურსეფი ინტერნეტის
- (ინგლისური) რიჩარდ ჯენკინსი — კინოფილმეფიშ ინტერნეტ მუნაჩემეფიშ ბაზას
- ინტერვიუ რიჩარდ ჯენკინწკჷმა ართო Archived 2008-09-07 ვებ-ხასჷლას Wayback Machine. (ინგლისური)
- ინტერვიუ რიჩარდ ჯენკინწკჷმა ართო Archived 2012-02-25 ვებ-ხასჷლას Wayback Machine. (ინგლისური)
