რადე შერბეჯია
რადე შერბეჯია (ხორვ. Rade Šerbedžija; ინგლ. Rade Serbedzija; დ. 27 კვირკვე 1946, ბუნიჩი, ხორვატია) — ხორვატი კინოარტისტი[1][2][3], პროდიუსერი დო კომპოზიტორი. გერჩქინათ სერბი. მუჭოთ არტისტი მოღალენსხორვატიას დო ამერიკაშ აკოართაფილი შტატეფს. ჰოლივუდიშ ფილმეფს 1990-იანი წანეფშე ოკათჷ.
რადე შერბეჯია | |
დაბადებაშ აბანი | ბუნიჩი, ხორვატია |
დებადჷ | 27 კვირკვე 1946 |
საქვარუა | არტისტი |
აკოქიმინჯალაშ წანეფი | 1974–ასეშა |
ალმასქუ(ეფი) | ივანკა ცეროვაჩი (?–1987) დათხიებული: 1 სქუა ლენკა უდოვიცკი (1991–ამდღარშა) |
ბიოგრაფია
რადე შერბეჯიაქ დებადჷ ხორვატიაშ ოფუტე ბუნიჩის.[4] 1969 წანას გათუ დრამატული ხელუანობაშ აკადემია ზაგრებიშ უნივერსიტეტის. მუში მოქიმინჯალაშ შარა თიქ მუჭოთ თეატრიშ არტსტიქ დიჭყჷ, უკულ მუშენდჷ ხორვატიაშ ერუანულ თეატრის დო ნოღაშ დრამატულ თეატრის (ზაგრები). იუგოსლავიას ჯოხო მიპალუ თიშ უკული, მუთ გასახიერჷ ჰამლეტიშ როლი, 1974 წანაშ დოდგჷმას. აქტიურო აგინძორენდჷ გიშულეფს თეატრის, მუშ უკულით გიმორჩქინდჷ კინოს დო ტელევიზიას. რადე შერბეჯიას ბჟადალუს პოპულარობა მოუღჷ ფილმიქ „ჰანაშ ლჷმა“. თიში კინოროლეფშე ოშინალი რე ხოლო „ფართას წკურილი თოლეფით“, „დიდი კუში“, „ევროტური“ დო შხვა.
ფილმოგრაფია
- რინა ჰერებამი რე (Harmonikas, 1985)
- ჰანაშ ლჷმა (Hanna's War, 1988)
- დეზერტირი (Pavle Trusic,1992)
- ჭვემაშ უკული (Before the Rain, 1994)
- ფართას წკურილი თოლეფით (Eyes Wide Shut, 1999)
- დიდი კუში (Snatch, 2000)
- კოსმოსური კოვბოეფი (Space Cowboys, 2000)
- ევროტური (Eurotrip, 2004)
- ბეტმენი: დაჭყაფური (2005)
- მაჸოთამალი (Shooter, 2007)
- კარანტინი (Quarantine, 2008)
- ჰარი პოტერი დო ღურაშ ოჩუქერეფი - ნორთი 1 (2010)
- მარაშინათუთაშ 5 დღა (5 Days of August, 2011)
- იქს-ადამიერეფი: მაართა კლასი (2011)
რესურსეფი ინტერნეტის
- (ინგლისური) რადე შერბეჯია — კინოფილმეფიშ ინტერნეტ მუნაჩემეფიშ ბაზას