მიკრონეზია
მიკრონეზია — რჩქალი ოკიანეშ ბჟადალი ნორთის მადვალუ მორჩილი კოკეფიშ ბუნაშ ართობური ჯოხოდვალა, უმენტაშო იდვალუაფუ ეკვატორიშ ოორუეშე. მიკრონეზია მიშმურს: მარიანაშ, მარშალიშ, გილბერტიშ დო შხვა კოკეფი. ედომუშამო დოხოლაფირო 1500 კოკი რე, ნამუსჷთ იდვალუაფუ გეჸვენჯი სახენწჷფოეფი: კირიბატი, ნაურუ დო თაშნეშე ააშ-იშ მარხველუ ტერიტორიეფი. ჯოხოდვალა მიკრონეზია — "მორჩილი კოკეფიშ ორენი" ჯვეშბერძენული ნინაშქ შანენს მიკროს ""მორჩილი", ნესოს "კოკი", ზიტყვაშ ეკონია "ია" რჩქვანელობური რე თაქ მადვალუ ქინეფიშ დო ტერიტორიეფიშ ჯოხოდვალაშო. ტერმინი მიკრონეზია XIX ოშწანურაშ მაართა ნორთიშე გჷმირინუაფუ.
![](http://upload.wikimedia.org/wikipedia/commons/thumb/b/b0/Micronesian_Cultural_Area.png/300px-Micronesian_Cultural_Area.png)
მიკრონეზიაშ სქირონაშ ფართობი ძალამი მორჩილი რე, თაშნეშე ძალამი მერკე რე მახორობაშ მუდანობა ხოლო. მანგიორჷ ძალამი ბრელი დო დიდი ოზუღე ეკონომიკური ზონეფი რე.
მიკრონეზიას იდვალუაფუ გეჸვენჯი სახენწჷფოეფი დო დოჸუნელი ტერიტორიეფი:
სახენწჷფო მონწყუალა
ალმახანშო მიკრონეზია მუსხირენ სახენწჷფოთი რე დორთილი.
მიკრონეზიაშ ფედერალურლი შტატეფი — აკმოდირთუ 4 შტატიშე: კუსაიეშ დო პონაპეშ კოკეფშე, თაშნეშე იაპიშ დო ჩუუკიშ (ტრუკიშ) კოკეფიშ ბუნაშე. მახორობა — 107, 9 ვთშ. ადმ. (2008). ნანანოღა — პალიკირი კოკი პონპეის (პონაპე), 7 ვთშ. ადმ. ოფიციალური ნინა — ინგლისური. დღახუეფი: 3 გერგობათუთა — ზოხორინალაშ დღა. ექსპორტშა გიშმუღჷ: კორპა, ზაფანა, ჩხომი, ქოქოსიშ ზეთი, ოკათე რეწუაშ ნოკეთებუეფი. დუდიშულერო ასოცირაფილი რე ააშწკჷმა.
მარშალიშ კოკეფი. მახორობა — 56, 4 ვთშ. ადმ. (2003). ნანანოღა — მაჯურო, 25, 4 ვთშ. ადმ. (2004). ნინეფი— მარშალური დო ინგლისური. რელიგია — პროტესტამტიზმი დო კათოლიციზმი. ექსპორტშა გიშმუღჷ: კორპა, ქოქოსიშ ზეთი, ჩხომი, მარჯანეფი, კუსტარული ნაწარმეფი. ესპანარი ა. საავედრაქ მიოგორუე 1529 წანას, უკული გიშერკუეს გილბერტიქ დო მარშალქ. დღახუეფი: 1 მესი — კონსტიტუციაშ დღა.
კირიბატი — 33 მარჯანიშ კოკი 5 მლნ კვ. კმ. აკვატორიას. თენა რე გილბერტიშ, ფენიქსიშ, ლაინიშ დო ბანაბაშ (ჸოფილი ოშენი) კოკეფიშ ბუნა. მახორობა — 98 ვთშ. ადმ. (2009). ნანანოღა — ობჟათე ტარავა, 40, 3 თშ. ადმ. (2005), ნამუთ იდვალუაფუ ტარავაშ ატოლს. უმაღალაში კონკა — სამმიტი, 81 მ. Оოფიციალური ნინა — ინგლისური, მარა არძო რაგადანს კირიბატულ (ტუნგარუანულ) ნინაშა. რელიგიეფი — პროტესტანტიზმი, კათოლიციზმი. მაართათ კოკეფშა მორთჷ პედრო კიროსიქ 1606 წანას. ჩხოლარეფშე რე ხვალე ფურინჯეფი დო ჭანდეფი. ექსპორტშა გიშმუღჷ: კორპა, ჩხომი. დღახუეფი: 21 კვირკვე — ზოხორინალაშ დღა.
პალაუ (ბელაუ) — აკმოდირთუ 328 კოკიშე, ედომუშამი ფართობით 458 კვ. კმ., უდიდაში კოკი — ბაბელტუაპი, უმაღალაში კონკა — 217 მ. მახორობა — 20, 9 ვთშ. ადმ. (2008). ნანანოღა — ნგერულმუდი, ნამუთ იდვალუაფუ კოკი ბაბელტუაპის, ნანანოღაშ მახორობა 391 ადმ. ოფიციალური ნინა — ინგლისური, პალაური. რელიგიეფი — კათოლიციზმი, პროტესტანტიზმი. 200 კოკიშე ხვალე 8 ირგუ ოხორუეთ. ჩხოლარეფშე რე მორჩილი მაღირღონალეფი, ხვილარეფი, ფურინჯეფი დო ჭანდეფი. დღახუეფი: 1 გჷმათუთა — ზოხორინალაშ დღა. ევროპალეფშე მაართათ თაქ მოხვადეს ესპანარეფქ XVII ოშწანურას. 1889 წანას, კოკი გერმანიაშა რდჷ მეჸიდირელი. ექსპორტშა გინმუღჷ — კოპრა დო თინუსი.
ნაურუ — ხვალე მადვალუ მარჯანიშ კოკი, ეჸონაფილი ატოლი. აკმოქიმინუნს სახენწჷფო ნაურუს. ფართობი 21 кკმ². მახორობა — 11, 3 ვთშ. ადმ. (2009). ოფიციალური ნანანოღა ვაუღუ, ქიანაშ თარობაშ ორენი რე იარენიშ ოლქის. ოფიციალური ნინეფი — ინგლისური დო ნაურუული. ეკონომიკაშ ოსხირი ასეიშახ — ფოსოფრიტეფიშ ეშაღალა. დღახუეფი: 26 გჷმათუუთა — ანგამიშ დღა.
ოორუე მარიანაშ კოკეფი. მახორობა — 86, 6 ვთშ. ადმ. ნანანოღა — საიპანი, 62, 4 ვთშ. ადმ. (2000). უმაღალაში კონკა — 965 მ. ოფიციალური ნინა — ინგლისური. რელიგია — კათოლიციზმი. მიოგორუ მაგელანქ, XIX ოშწანურაშ ეკონიას. კოკეფი ესპანეთიშ კოლონოა რდჷ, 1899 წანას გერმანიაშა რდჷ მეჸიდირელი, ასე — ააშ-იშ ომართუე რე. ექსპორტშა გიშმუღჷ: ოკათე გიმორინაფაშ მიკონ-მოკონეფი, пოჭკომალი პროდუქტეფი.
გუამი — მარიანაშ კოკეფიშ ბუნაშე უშხუაში კოკი. წჷმარინუანს 405 მ. სიმაღალაშ პლატოს. ააშ-იშ ომართუე. მახორობა 173, 5 ვთშ. ადმ. (2007). ნანანოღა — ხაგატნა, 1, 1 ვთშ. ადმ. (2000). ნინეფი — ინგლისური, ჩამორო. მართუნს გუბერნატორი. რელიგია — კათოლიციზმი. ექსპორტშა გიშმუღჷ: მუკაქუნალი, ოშუმალეფი, თუთუმი, ელექტრონიკა. დღახუეფი: მელახიშ მაართა თუთაშხა — გუამიშ დღა, 21 მელახი — გოდუდიშულაფაშ დღა. 1521 წანაშ 6 მელახის კოკის მიოგორუ მაგელანქ. 1565 წანაშე — ესპანეთშ კოლონია რდჷ, 1898 წანაშე — ააშ-შ ომართუე.
რესურსეფი ინტერნეტის
- სტატია რჩქალი ოკიანეშ მორჩილი კოკეფშე Archived 2006-01-01 ვებ-ხასჷლას Wayback Machine.
- მიკრონეზია
სქოლიო
![]() | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |